Ef eitthvað er.......

....að marka þetta eins og það lítur út á sjónvarpsskjánum - þá má alveg slökkva aftur.  Vona að þetta líti betur út þegar maður er þarna á svæðinu og sér þetta.

Vandinn að listaalítan er búinn að hæpa þetta svo svakalega að fólk bjóst jafnvel við fullnæingu þegar ljósin voru tendruð, en engin stuna heyrðist!!!

...og hvað var þetta með ræðuna hjá henni Diddú? Mikið vildi ég að þessi elska hefði frekar tekið lagið

Glerhjúpur Hörpu tendraður

Athugasemdir

[Anna Dóra Gunnarsdóttir, 20.8.2011 kl. 23:59]

Mér þótti skárra að Diddú hélt „ræðu", það tók fljótar af. Hvað glerhúsið varðar, er ég sammála, það má alveg slökkva á því aftur. Annað fannst mér undarlegt; hápunktur kvöldsins átti að vera flugeldasýningin, en var það bara alls ekkert í sjónvarpinu, sem þó var undirlagt af uppákomum úr miðborginni. Það var nefnilega klippt á útsendinguna þegar flugeldarnir voru að byrja að ná hæðum. Ég var ekki á staðnum, svo að ég missti af stemmingunni sem var örugglega frábær.

[Gísli Foster Hjartarson, 21.8.2011 kl. 00:14]

Já svolítið spes að klippa á sýninguna og slakt að sýninginn skuli ekki hafa byrjað strax í kjölfarið á Pétri Jóhanni. Flugeldasýningar aldrei líklegar til að skila sér af fullu blasti á sjónvarpsskjá.   ....maður þarf að vera á staðnum til að fá þetta í æð.  Er samt ekki sammála þér með Diddú hefði frekar viljað hafa hana 90 sekúndum lengur sönglandi heldur en að fjasa þetta.

[Ásthildur Cesil Þórðardóttir, 21.8.2011 kl. 00:15]

Já það væri gaman að fá svar við því af hverju klippt var á flugeldasýninguna og sett á eldgamalt video með Esí Dísí... eða þannig.  Og það fór um mig kjánahrollur við upphafið, þar sem Pétur eða hvað hann nú heitir sá ágæti maður átti að telja niður, þetta var bara hallærislegt. 

Sammála líka með tendrunina á Hörpu, lítið var og lokið er segi ég.

[Sigurður Haraldsson, 21.8.2011 kl. 00:18]

Harpan er og verður vandamál framtíðar því miður!

[Haraldur Hansson, 21.8.2011 kl. 00:22]

Ég veit ekki hverju átti að búast við, en ég var á staðnum og mér fannst Harpan flott. Kom svo heim og stillti á RÚV+ og þar var þetta ekkert spes. Litirnir í glerhjúpnum skiluðu sér ekki vel í gegnum sjónvarp.

Flugeldasýningin var á RÚV+ og kom illa út, því miður, en var mjög flott live. Held að það hefði þurft að hafa kamerurnar annars staðar fyrir flugeldasýninguna.

[Gísli Foster Hjartarson, 21.8.2011 kl. 00:27]

Haraldur - passaði mig á að taka þetta fram með ljósin - verður vonandi fallegra þegar maður skreppur til höfuðstaðarins og sér þetta af staðnum. Myndavélar Rúv voru illa staðsettar fyrir flugelda sýninguna. hefði mátt vera t.d. upp á seðlabankanum eða tollhúsinu en ekki lengstum sent út af vél neðst í brekkunni. - svona sýning verður aldrei alvöru á sjónvarpsskjá.

[Hörður Már (IP-tala skráð) 21.8.2011 kl. 00:39]

Ég er ekki sammála Haraldi. Ég var ekkert smá vonsvikin yfir þessu rosafínu lýsingu.

Harpan er hér með orðin heimsinns stærsta jólatré.

ps. Ég var á staðnum

[Þór Gíslason (IP-tala skráð) 21.8.2011 kl. 00:47]

Miðað við það mikla umtal sem verið hefur um þessa loka athöfn þá hef ég aldrei á minni ævi upplifað annað eins "anticlimax" eins og þessa stund innan um tugi þúsunda sem biðu með öndina í hálsinum eftir "Tendrun á glerhjúp Hörpunnar". Eftir nokkrar mínútur af fáeinumljósum flöktandi í þessari miklu glerhöll varð fóki í kringum mig á orði, "er þetta allt" og "kemur ekkert meira?". Einn kallaði yfir hópinn "var þetta allt og sumt fyrir 30 milljarða".

Svo toppaði allt saman að flugeldasýningin var flutt um stað. Það stóðu tugir þúsunda í Arnarhól og á Geirsgötunni horfandi í vestur bíðandi eftir að sjá flugeldana skjótast upp yfir höfuð sér. En viti menn...svo bjarmar af ljósadýrð og heyrast hvellir úr austri, aftan við gamla útvarpshúsið við Skúlagötu. Langt frá þorra þeirra sem komið höfðu til að njóta. Merkilegt að ekki sé hægt að skipuleggja svona hluti betur. Flugeldar í svona mikilli fjarlægð missa alveg marks.

En það er alveg sama hvernig þessi blessaða listaelíta mun reyna að tala upp þessa ljósaskreytingu Hörpu. Hún er lélegri en meðal jólasería úr Rúmfatalagernum. 

[Sólbjörg, 21.8.2011 kl. 01:17]

Átti von á að hönnuð hefði verið tilkomumikill ljósafegurð og sá fyrir mér að Harpan yrði eins og álfahöll; gyllt ljósamynstur með bleikbjarma stjörnutindri. Nei, nei, ekkert í líkingu við það, þetta virkaði allt frekar "ódýrt" og hálf dapurt að sjá. Á Arnarhólnum flaug mér í hug sama líking og Þór nefnir á ódýrum jólaséríum, nema ég hef séð tilkomumeiri ljósaséríur í Garðheimum og Byko en í Hörpunni.

[hilmar jónsson, 21.8.2011 kl. 02:12]

DOWNER....

[Friðrik Friðriksson, 21.8.2011 kl. 10:09]

"Einn kallaði yfir hópinn "var þetta allt og sumt fyrir 30 milljarða"

ha ha ha...LOL