....komst nú ekki á fundinn en

....ótrúlegt að þurfa að segja það en Guðmundur og félagar líta oft út eins og drullusokkar, og að því er virðist án þess að leggja sig neitt sérstaklega fram!!! Hef hlustað á málflutning þeirra í nokkur skipti og það verður á stundum sorglegt. Það eru allir glæpamenn og óvildarmenn VSV nema þeir!!! Þessir kumpánar hefðu bara orðið en frekar undir ef ég hef mætt þarna fyrir hönd þeirra sem ég hef með að gera þarna.  Það er oft alveg með ólíkindum að þessir menn geta ekki horft á að reksturinn gangi vel og nóg er að gera heldur þurfa þeir að vera í leik um að reyna að komast yfir allt.  Svo eru þessir menn hissa á því þá hluthafar vilji frekar selja heimamönnum sinn hlut fyrir lægri pening og hafa þó vissu fyrir því að það er ekki verið að fara af stað með fyrirtækið eitthvað upp í sveit.

....Halda Guðmundur og félagar að fólk hafi ekki séð hvað gerðist þegar þeir komust yfir ÚA!!

Heyrði um daginn að Landsbankinn hafi selt Guðmundi bréf um daginn sem hann tók úr öðru félagi sem Guðmundur missti!!! Hvernig datt Landsbankanum þetta í hug? Af hverju hef ég ekki séð fjölmiðla velta sér upp úr þessu? Hvert var gengið á þeim bréfum? Af hverju var ekki almenningi boðiðað bjóða í þann hluta? Ber ekki Landsbankanum að reyna að hámarka það sem hann tekur upp í skuldir? Er hann kannski ekki banki allra landsmanna? Guðmundur og co hefðu þá bara geta boðið í eins og aðrir. Ef að Landsbankinn hefur farið á svig við þetta í þessari sölu sinni þá er klárt að þar er innandyra fólk sem ekki er starfi sínu vaxið.

Held að menn eigi nú líka að taka aðeins tappann úr öfga gagnrýninni á kvótafrumvörp "vinar míns" Jóns Bjarnasonar. Menn verða að horfa í að þar eru ákvæði um að ekki verði hægt að moka kvóta burt úr byggðarlögum möglunarlaust. Hef ekki séð stórútgerðarmenn í Eyjum, ja né annarsstaðar taka undir þetta - það er kominn tími til.  ...jújú víst er þetta ágæta fólk handhafar veiðiréttarins sem stendur en það verður að gera sér grein fyrir því að það hanga ansi margir á spýtunni með þeim. Sé ekkert að því að höft séu sett á sölur úr byggðarlögum. Þ.e.a.s. að heimamenn fái að leita allra ráða til að verja sína stöðu. Jújú víst hafa Eyjamenn farið ránshendi um hin og þessi byggðarlög á þennan hátt, eins og aðrir. En er ekki komið nóg? Veit ekki hvað ykkur finnst en mér finnst að svo sé.

Urðu undir á hluthafafundi Vinnslustöðvarinnar