Takk fyrir góða þjónustu

Þeir stóðu sig aldeilis sérdeilis vel þessar elskur á Baldri. Heyri ekki betur en hér séu allir himinlifandi með þá þjónustu og þjónustulund sem áhöfnin sýndi á meðan Baldri var í ferðum á milli lands og Eyja.

Takk fyrir okkur.

Langar líka að nota tækifærið og þakka þeim áhafnarmeðlimum sem komu hingað í prentsmiðjuna færandi hendi og færðu prentsmiðjustjóranum gjafir í nafni Snæfells körfuknattleiksdeildar. Minn er en í skýjunum og verð örugglega eitthvað áfram. Vonandi verður flugið á okkar mönnum þokkalegt. -  .........Koma svo

Baldur siglir aftur um Breiðafjörð

Athugasemdir

[Anna Sigríður Guðmundsdóttir, 3.10.2011 kl. 15:08]

Já Gísli. Ekki efast ég um góða þjónustu ferjunnar Baldurs, og gott að geta leyst málin svona.

Ég hef hins vegar misst af þeim fréttum sem sögðu frá hvaða ferja leysti Baldur af milli Stykkishólms, Flateyjar og Brjánslækjar á meðan Baldur sinnti Vestmannaeyjum.

Hverjir sinntu ferju-samgöngum á sunnanverðum vestfjörðum á meðan Baldur sinnti samgöngum til Vestmannaeyja?

Fréttamenn eru ekki starfi sínu vaxnir, ef þeir hafa horft fram hjá því að segja frá því, ef sunnanverðir vestfirðir hafa tapað samgönguþjónustu á meðan Baldur sinnti störfum Herjólfs milli lands og Vestmannaeyja. Það er langur og erfiður vegur milli Brjánslækjar og Stykkishólms/Borgarness. Við þurfum að taka tillit til allrar landsbyggðarinnar, en ekki bara hluta hennar.

Það hlýtur að vera mjög erfitt að búa í Vestmannaeyjum og vita aldrei hvort áætlanir standist, og það sama gildir um aðra landshluta, eins og sunnanverða vestfirði.

M.b.kv.

[Gísli Foster Hjartarson, 3.10.2011 kl. 19:34]

þeir koma nú aðeins inn á þetta með samgöngurnar þarna:

Mikil óánægja var meðal íbúa, sveitarstjórnarmanna og ferðaþjónustufyrirtækja á sunnanverðum Vestfjörðum með að Baldur skyldi leysa Herjólf af.

Það var Vegagerðin sem tók ákvörðunina, en að mati stofnunarinnar var það réttlætanlegt að leggja niður ferðir Baldurs á þessum tíma þar sem vegir eiga að vera færir og engar þungatakmarkanir í gangi.

Nei nei það er ekkert erfitt að búa í Eyjum. Ekki þykir mér það allavega en auðvitað er þetta stundum svolítið púsl. Það sennilega bjargar mér að ég er mjög lítið á ferðinni milli lands og Eyja. En aðrir hér eru mun pirraðri en ég yfir þessu. Fólki svíður líka svakalega sú mikla hækkun sem er á fargjöldum þegar siglt er til Þorlákshafnar.