Eitthvað sem búið er að ræða lengi

......bara ekki á síðum fjölmiðla. Blessuð ferjan er náttúruelga komin til ára sinna og um svona gripi sem sinna farþega flutningum gilda náttúrulega strangar reglur.  Það skemmdi náttúruelga mikið fyrir okkur Eyjamönnum hér á sínum tíma þegar fólk eyddi gríðarlegri orku og nokkrum árum í að heimta að lagt yrði til frekari atlögu við jarðgöng á milli lands og Eyja. Á meðan var allt stopp því "fyrirmyndarsamfélagið" Vestmannaeyjar var út og suður í hvað það vildi, eins og virðist vera orðin lenska hér.  Það er komin nokkur ár síðan augljóst var að menn áttu að vera byrjaðir að huga að nýju skipi hvort sem menn ætluðu að sér smíða það eða kaupa notað - en menn börðu bara hausnum í steininn og ekkert var að frétta. En kannski að Eyjólfur sé að fara að hressast!!!

En það er samt erfitt að ákveða sig með nýtt skip þegar ekki er á hreinu hvert skal siglt.

Ekki heimilt að nota Herjólf sem ferju eftir fjögur ár

Athugasemdir

[Axel Jóhann Hallgrímsson, 8.10.2011 kl. 08:01]

Af fenginni reynslu, biturri nokkuð, þá eiga menn ekki að láta sér detta það í hug, hvað þá nefna það upphátt að kaupa notaða ferju.

Það er auðvitað broslegt, en giska pínlegt um leið, að hafa eytt öllum þessum fjármunum í hafnarmannvirkin umdeildu á Landeyjasandi, en sitja svo uppi með þau hálf nýtt, þegar sandurinn er ekki að plaga, því ekkert sé skipið til að nýta hana. 

[Einar Steinsson, 8.10.2011 kl. 08:20]

Hvað er það sem gerir hann ólöglegan?

[Sigga (IP-tala skráð) 8.10.2011 kl. 11:16]

Ég held að hann megi ekki vera opinn í báða enda, það var slys fyrir ekki svo löngu síðan að ferjan opnaðist að framan á hafi úti og sigldi í kaf með manni og mús.

[Egill Örn (IP-tala skráð) 8.10.2011 kl. 13:21]

Ætli það verði ekki að smíða Ferju með dýpkunarbúanaði.

S.s. Dýpkunarferju.

[Landfari, 8.10.2011 kl. 13:47]

Er þetta tilfellið Sigga að ferja megi ekki vera opnanleg að framan? Mikið svakalegt óhagræði verður það ef allir þurfa að bakka út.

Ég á einhvern vegin erfitt með að trúa því að gegnukeyrsla verði bönnuð því þetta á eftir að tefja ferjur heilan helling, sérstaklega úti.

Ein ferð endar með ósköpum af hvað mörg miljón ferðum sem enda vel, og ferjan bönnuð. Það er eins gott að þetta er ekki svona í fluginu.

[Sigga (IP-tala skráð) 8.10.2011 kl. 16:37]

Landfari þetta er bara það sem að ég heyrði og þetta þarf ekkert að vera rétt hjá mér svo var Herjólfur gamli þannig að það var snúningsskífa á miðju dekkinu sem snéri bílunum þannig að þeir voru klárir að keyra út.

[Axel Jóhann Hallgrímsson, 8.10.2011 kl. 22:29]

Ég held að ég fari rétt með að Herjólfur megi ekki sigla eftir mitt ár 2015 með farþega á þessu hafsvæði sökum aldurs. Hann verður þá orðinn 23ja ára.