Ólafur kveður og setur upp pressu!!!

Langar að þakka Ólafi fyrir hans innlegg í baráttunni við að gera hér þokkalegt landslið í tuðrusparki. Hann verður ekki sakaður um allt sem miður hefur farið. Við verðum nú líka að skoða leikmannahópinn sem við höfum haft - gæði þeirra leikmanna og hæfileika samanborið við hvað aðrar þjóðir hafa. Við erum örþjóð í tuðrusparkinu - þó við höfum getað rifið kjaft öðru hvoru.

Skemmtilegt að heyra að Óli kveður með því að segja að innan tveggja ára þá eigum við að vera komin í baráttuna um sæti á lokamóti. Það verður gaman að sjá hvað gerist í þeim málum en við erum einmitt í tiltölulega "þægilegum" riðli fyrir næsta HM. Norðmenn, Slóvenar, Svisslendingar, Albanir og Kýpur búar verða andstæðingar okkar. Allt lið sem ekki hafa haft mikinn byr í seglum síðustu ár. ........svo er nú Óli kannski bara að reyna að koma upp pressu á næsta stjóra - en maður reiknar ekki með miklu, þó ýmsir geri alltaf miklar kröfur til landsliðsins.

Hef átt fjögur frábær ár

Athugasemdir

[Axel Jóhann Hallgrímsson, 8.10.2011 kl. 08:53]

Það var ánægjulegt í þessum síðasta leik Ólafs að strákarnir skyldu vinna - seinni hálfleikinn!!

[Ólafur Ólafsson, 8.10.2011 kl. 10:54]

Já sko, við burstuðum seinni hálfleikinn :-)...

[Gunnar Th. Gunnarsson, 8.10.2011 kl. 16:16]

Fjögur frábær ár!!

Það hlýtur að hafi verið í einhverju öðru áhugamáli hjá honum

[Friðrik Friðriksson, 8.10.2011 kl. 21:58]

Það er mikið til í þessu Gísli sem þú skrifar en það sem okkur sárlega vantar inn í dæmið að það er svokölluð ljónagryfju, Laugardalsvöllurinn er það engan vegin og langt frá því en ég varð fyrir miklum vonbrigðum þegar ákveðið var að byggja nýju stúkuna sem var tekin í notkun árið 2006.

Ég hafði verið að vonast að stúka væri byggð allan hringinn en að sjálfsögðu ætti hún ekkert að vera eins stór og há eins og nýjan stúkan er núna.

Sem dæmi Keepmoat Stadium hjá Doncaster sem tekur 15.300 manns í sæti og völlurinn byggður allan hringinn og engin hlaupabraut.

Hér fyrir neðan eru myndir af Keepmoat Stadium

http://myndahysing.net/upload/51318110518.jpg

http://myndahysing.net/upload/171318110518.jpg

http://myndahysing.net/upload/151318110585.jpg

Væri ekki frábært að Laugardalsvöllurinn gæti litið svona út, og síðan má ekki gleyma hinum glæsilega leikvangi Viking í Noregi sem kostaði svipað og breytingarnar á Laugardalsvelli eða tæpa tvo milljarða króna en leikvangurinn tekur 16,300 manns

Hér fyrir neðan er linkur af leikvangi Viking.

http://en.wikipedia.org/wiki/Viking_Stadion

Það verður aldrei nein almennileg stemming á Laugardalsvelli eins og þetta lítur út núna en þetta voru bara stór mistök að byggja nýju stúkuna sem var stórkostleg framúrkeyrsla við byggingu hennar að þetta var gjörsamlega fáranlegt að hálfa væri nóg.

[Nenni n´+i (IP-tala skráð) 8.10.2011 kl. 22:26]

Við erum bara 300.000, eins og hliðargata í stórborg.

[Friðrik Friðriksson, 8.10.2011 kl. 22:57]

Ef það sé hægt að byggja eitt tónlistarhús fyrir 30 milljarða að þá hlaut að vera hægt að byggja stúku allan hringinn á Laugardalsvellinum þannig að það verði einhver sómi af þessu og gera völlinn glæsilegan um ókomna framtíð.

Bara glerhjúpurinn á Hörpu kostaði um 3,2 milljarða króna!!! það segir manni bara hversu gjörsamlega fáranlegt hneyksli þetta sé.

Manni blöskrar af þessu.

[Friðrik Friðriksson, 8.10.2011 kl. 23:35]

Hin stórglæsilegi heimavöllur Viking í Stavangri, Viking Stadion kostaði tæpa tvo milljarða króna og völlurinn er byggður allan hringinn.

Þessar endurbættur á Laugardalvellinum fóru mörg hundruð milljónum fram úr áætlun og alls kostaði herlegheitin um 2 milljarða en aftur á móti ksotaði Viking Stadion svipað mikið nema það að sá völlur er stór glæsilegur en það sama verður ekki sagt um Laugardalsvöllinn og umgjörðina i kringum hann því völlurinn er opin í allar áttir og raunar ekkert skjól fyrir öllum veðrum.

Það var ekkert hugsað um þægindi fyrir áheyrendur, heldur voru þægindin hugsuð fyrir KSÍ "Betri skrifstofur fyrir Knattspyrnusambandið" og "Glæsileg VIP aðstaða fyrir sérvalda"

[Gísli Foster Hjartarson, 9.10.2011 kl. 09:36]

Get alveg tekið undir að við erum ekki mikið meira en hliðargata í stórborg.

En tek líka undir þessa gagnrýni Friðriks varðandi völlinn. hann er eklki aðlaðandi né góður til að skapa stemmningu. Enda var þess gætt að skaða ekki frjálsíþróttaaðstöðuna. Margir vildu gera völl sem aðeins væri fyrir knattspyrnu. Þjóðarleikvang knattspyrnunnar. EN því miður varð það ekki þannig og að íslenskum sið gerðist tvennt. Menn fóru langt fram úr sjálfum sér í kostnaði, sem virðist hafa verið orðin þjóðaríþrótt og hitt að meira var hugsa um fáa en heildina.

[Jón Óskar (IP-tala skráð) 11.10.2011 kl. 14:52]

Spurningin sem brennur á mínum vörum er sú hvort Henry Birgir slái nýtt met í að rakka niður landsliðsþjálfara þegar nýjir menn taka við.  Einhverra hluta vegna hef ég fylgst með skrifum hans varðandi KSÍ og landsliðið í nokkur ár og maðurinn er bara vanhæfur að fjalla um þessi málefni.......en það er önnur saga.

[Gunnar Th. Gunnarsson, 11.10.2011 kl. 15:06]

KSÍ er gagnrýninar virði. Hörmulegt batterí með þetta formannsfífl

[Jón Óskar (IP-tala skráð) 11.10.2011 kl. 22:26]

Það er mjög auðvelt að finna höggstað á KSÍ og gagnrýna, en ég hef ekki hingað til heyrt nafn neins sem er betur til þess fallinn að reka þessa sjoppu en Geir Þorsteinsson.