Öllu gamni fylgir einhver alvara

Frétti af þessari auglýsingu í gær og brosti. Gott að sjá að þetta fær einhverja athygli. Verður líka gaman að sjá hvort viðbrögðin verða einhver. Margir orðnir ansi pirraðir hér á eyjunni í suðri í þessum samgöngumálum. Skil marga alveg mætavel, sérstaklega þá sem mikið eru á ferðinni. Það á þó ekki við mig að svo stöddu, þó vissulega vonist ég eftir því að menn fari að bretta upp ermar og taka sig saman í andlitinu og leysa þetta í eitt skipti fyrir öll. En það er enginn sem segir að það verði auðvelt.

Við höfum verið að nota "lengri" þjóðveginn síðustu vikur - þ.e.a.s. sigla til Þorlákshafnar - en nú skal siglt upp í fjöru á ný á morgun - þá kætast margir, en hversu lengi?

En hvað eru þingmennirnir margir? kann ekki einhver að telja þarna?

Auglýsa eftir þingmönnum

Athugasemdir

[Magnús Ágústsson, 21.10.2011 kl. 08:51]

á þetta ekki við um allt land

það sést bara til þingmanna rétt fyrir kosningar 

[Haukur Kristinsson (IP-tala skráð) 21.10.2011 kl. 09:11]

Vestmannaeyingar ættu að taka Norðanmenn sér til fyrirmyndar. Þeir eru nú að hefja framkvæmdir við Vaðlaheiðargöng, með lítilli sem engri aðkomu ríkisins. Hvar er einkaframtakið hjá öllum Sjöllunum í Eyjum? Alltaf vælandi um aðkomu ríkisins, líkt og ræflarnir á Suðurnesjum. Hvað fóru margir milljarðar í Landeyjahöfn + Herjólf? Drullist til að gera eitthvað sjálfir.

[Arnar (IP-tala skráð) 21.10.2011 kl. 09:46]

Haukur, "drullastu" til að lesa þessa grein....  http://fib.is/?FID=2920 ...og þessa http://www.dv.is/frettir/2011/9/1/oraunhaef-fjarmognun-vadlaheidargongum/  

Já þið eruð duglegir þarna fyrir norðan með núverandi og fyrrverandi ráðherra í liði með ykkur. Lífeyrissjóðirnir neituðu að fjármagna og þá koma þessir sömu ráðherrar með nánast gjaldþrota ríkissjóð á bakinu og bjarga málununum. Agalega mikil 2007 lykt af þessu, lánað og vonað !!! Eins vona ég innilega að þetta verði ekki eins og Héðinsfjarðargöngin sem áttu að kosta 7 milljarða en enduðu í 14 milljörðum. Ekki getið þið borgað þessa 10 milljarða til baka, hvað þá 20 milljarða.

[Haukur Kristinsson (IP-tala skráð) 21.10.2011 kl. 10:04]

Ég lít á það sem gæðastimpil að lífeyrissjóðirnir hafi ekki viljað koma að verkefninu.  Þeirra “records” valda þessu viðhorfi mínu. Héðinsfjarðargöngin eru með bestu framkvæmdum síðustu ára. Ekki aðeins fyrir Norðausturlandið, en allt landið. Ferðaþjónustan er framtíðin fyrir Ísland, en ekki álbræðslur fyrir ignorantana og frændur, Árna Johnsen og Árna Sigfússon.

[GAZZI11, 21.10.2011 kl. 12:53]

Þetta verður sennilega þannig að þingmenninrnir finna sig sjálfir. Væntanlega niður á þingi í sandkassaleik eins og Landeyjahöfn er orðin. Væntanlega fara þeir að rífast um það hver hefur verið "týndastur" og munu básúna það um allar byggðir og fréttamiðla svo það fari nú ekki framhjá neinum.

Finnst eins og Landeyjahöfn sé sambærilegt og Alþingi, og Herjólfur eins og þjóðin og lýðræðið. 

[Eggert Stefánsson (IP-tala skráð) 21.10.2011 kl. 13:41]

Ef að Vestmannaeyingum finnst ríkja "neyðarástand í samgöngumálum" sínum og auglýsa eftir týndum þingmönnum í því sambandi, hvað megum við Vestfirðingar þá segja vegna vega á stórum hluta Vestfjarða?  Ég bara spyr!

[Gunnlaugur Erlendsson (IP-tala skráð) 21.10.2011 kl. 16:35]

Haukur, ykkar framkvæmdir eru góðar og þarfar og nýtast öllum íslendingum og auðvitað borgar ríkið sem er eðlilegt og gott, sýnir bara hvað þið eruð með góða þingmenn. En megum við ekki berjast fyrir okkar samgöngum sem nýtast ykkur jafn mikið og ykkar samgöngubætur okkur, þú mátt alveg sleppa þessum látum í okkar garð hvað það varðar. og Eggert það er alveg satt með ykkar samgöngur þær eru hörmulegar og má sko alveg bæta, en það breytir ekki því að við eigum alveg að geta barist fyrir okkar samgöngum, ég vona bara að það gangi vel hjá ykkur og þetta batni í náinni framtíð, en við munum berjast fyrir okkar samgöngum áfram sama hvað öðrum finnst um sínar.

[Vigfús (IP-tala skráð) 21.10.2011 kl. 20:47]

Það eru til fleiri skip eins og Baldur. Þetta er t.d. smíðað á sama tíma hjá sömu skipasmiðastöð. Grunnristara og aðeins lengra. Það hlýtur að vera til eitt sem hentar til sölu http://www.shipspotting.com/gallery/photo.php?lid=960949