Smáaurar og fleira gott

Menn kunna nú að fá mann til að brosa í fjárlaganefnd. Hefði verið einhver hugur í mönnum þá hefðum við fengið svona svipaða upphæð og verið var að afskrifa á suma eða um 2 milljarða til að komast nær því að klára höfnina. gera hana skipum hæfa allt árið. Svo þarf að klára þetta mál með nýja ferju. Baldur er ekki lausnin. Sé heldur enga sanngirni, ja eða skynsemi í því að ætla að fara að vera með 2 skip ísiglingum hér á milli. Annað alltaf bundið við bryggju. Sættum okkur við Herjólf, eins og við höfum alltaf gert. Hann hefur reynst vel. Við eigum ekki að vera að reyna að leysa kjarkleysi vegagerðarinnar og fjárveitingavladsins með því að fá Baldur að láni. Menn verða að huga að öllum þeim fyrirtækjum sem í Eyjum eru og stóla á örugga vöruflutninga.

Víst geta menn sagt að ég sé að gleyma ferðamannabransanum og það má vel vera, en hann er nú ekkert á vetrum viðað við á sumrum. Við þurfum að geta boðið upp á sem næst 2 öruggum ferðum á dag og þegar komið er að því þá held ég einfaldlega að Herjólfur sé málið. - Já já ég kippi mér ekkert upp við það þó einhverjir séu mér algjörlega ósammála.

Baldur reyndist okkur vel í lok sumars en framundan er vetur. Verði hann á pari við síðasta vetur þá verður Baldur bara bundinn við bryggju hér í Eyjum. Ef veðrið verður mikið skárra þá á einfaldlega að vera hægt að halda höfninni opinni fyrir Herjólf.

Svo er nú annað sem ég skil engan veginn. Það er sitthvort fargjaldið eftir því hvort farið er í Þorlákshöfn eða Landeyjahöfn - hvað er það? Hvers vegna á ég sem kúnni að þurfa að borga miklu hærra gjald fyrir að ferðast með skipinu ef sigld er til Þorlákshafnar? Af hverju á ég að borga mun hærra gjald fyrir það sem er að miklu leyti aulaskapur þeirra er ganga áttu frá höfninni og samgöngum þangað?  Rukkar Icelandair aukalega ef þeir þurfa að lenda í Reykjavík í stað Keflavíkur?

135 milljóna fjárheimild vegna Herjólfs