Það má ekki......

Veit ekki hvað skal segja. Auðvitað veit ég að þetta er ekki gott mál þegar fólk ánetjast þessu spiladrasli. Börn eða fullorðnir það skiptir ekki máli. EN með að banna alltaf allt sýnt og heilagt. Ég veit ekki er ekkert svo viss um að það skili því sem skila þarf. Ef að menn ætla að banna spilun á svona leikjum sem eru á erlendri grundu þá hljóta menn að stoppa slíka spilamennsku innan lands. Rétt eins og aðra happadrættisfíkn?  Alveg óháð því hvaða happdrættisþema er í gangi. Það er ekki hægt að fara að leyfa happadræti af því að það er innanlands en banna af því að það er erlent!

Halda menn virkilega að þeir stoppi þetta svona?

Ungmenni ánetjast spilum á netinu

Athugasemdir

[Gunnar (IP-tala skráð) 12.11.2011 kl. 08:08]

"Íslendingar spili á erlendum happdrættissíðum en fastanefndin sé að skoða möguleika á lagabreytingu sem gæti annars vegar falið í sér að hindra aðgang að síðunum eða hins vegar að banna greiðslumiðlun íslenskra kortafyrirtækja við þær."

Kínverjar og Norður Kóreu menn eru ansi duglegir við að loka fyrir hinom og þessum síðunum. Og Norðmenn hafa lokað fyrir þann möguleika að nota greiðslukort til að spila með í útlöndum. Þessi paníklausn hjá þessum mönnum vitnar bara um ókunnáttu um veruleikan kringum okkur.

Norðmenn spila jafnmikið og aðrir á Netinu, og margir kínverjar eru á svokölluðum "banned sites".

Eða er Ísland síðustu Sovjetríkin?

[Gísli Foster Hjartarson, 12.11.2011 kl. 08:42]

Alveg sammála þér Gunnar - er ekki að fatta þetta

[Reputo, 12.11.2011 kl. 10:08]

Mér sýnist rauði þráðurinn í fréttinni vera sá að þeim er eiginlega slétt sama um spilafíklana svo lengi sem þeir eyða aleigunni sinni í íslensk spilavíti, þ.e. happdrætti háskólans, spilakassana og getraunir. Ef hægt er að fara í sértækar lagasetningar til að stýra neyslumynstri spilafíkla held ég að þeir ættu að byrja á því að koma í veg fyrir að fólk geti tapað aleigunni í einhverju svona innanlands. Það væri t.d. hægt með því að láta spilakassana einungis taka við tíköllum í stað seðla, nú eða hætta að hafa spilakassa í öllum sjoppum og setja þá einungis á lokaða staði þar sem hægt væri t.d. að takmarka tímann sem hver má spila. Það er allavega ýmislegt hægt að gera, en að banna fólki að komast á erlendar síður er eitthvað það lágkúrulegast sem ég veit, því tilgangurinn er auðvitað eingöngu sá að þeir sjálfir vilja peningana og er skítsama um fíklana.

Hvernig stendur svo á því að stjórnarformaður stærsta spilavítis landsins sé einnig formaður í fastanefnd á vegum Alþingis sem fjallar um lagasetningar á þessu sviði. Ætlast Alþingi til þess að fá hlutlausa umfjöllun og umsagnir frá þessari nefnd þegar formaður hennar hefur gífurlega hagsmuni að verja hinumegin við borðið? Þetta er lobbýismi á háu stigi.