Það er eins og við höfum alltaf sagt!

Það vilji allir koma til Íslands. Emirates og Quantas líka á leiðinni. Beint flug til Dubai og Sydney!!!  Nei ég segi svona. Jújú víst er aukið framboð af hinu góða en ég tel víst að eitthvað verði undan að láta. Spurningin er svo verða það islensku flugfélögin eða hætta þessi erlendu að fljúga hingað? Hverjir verða á ferðinni allt árið og hverjir ekki?

Norwegian hefur áætlunarflug til Íslands

Athugasemdir

[Sigurdur Jonsson (IP-tala skráð) 19.11.2011 kl. 10:20]

Tad er fint ad fa fleiri til ad fljuga til Islands. Ekki vill madur treysta a IE, tar sem madur veit ekki hvort, hvernig eda hvenær madur kemst a leidarenda. Ekki finnst manni gott ad turfa ad borga okurverd f. midana med Icelandair.

Undanfarin tvø ar hef eg bara notad SAS og tad verid odyrast. EF Norwegian akvedur ad taka flugid, ta er bara komin godur kostur fyrir neytendur, a lægra verdi.

[Gísli Foster Hjartarson, 19.11.2011 kl. 11:22]

Já Sigurður get vel tekið unsir með þér fagna þessum nýju félögum - tala nú ekki um lágum fargjöldum ...það er eins og það sé verið að draga Ísland inn í nútímann!!!!

[V.Jóhannsson (IP-tala skráð) 19.11.2011 kl. 11:34]

Hver ákveður flugvallargjald á Keflavíkurflugvelli?

Þetta verður að stoppa með öllum ráðum !

Að koma íslenskum fyrirtækjum í örðugleika með heiðalegum viðskiptaháttum er ekki liðið hér á landi!

[Vendetta, 19.11.2011 kl. 13:03]

Já, þetta eru góðar fréttir. Það er rétt hjá Jóhannssyni, að Icelandair er meinilla við alla heiðarlega samkeppni, því að félagið hefur stundað skitna viðskiptahætti áratugum saman. En einokun/forréttindi ríkisflugfélaganna á meginlandinu leið undir lok á níunda áratugnum og það er kominn tími til nú að koma skóflunni undir Icelandair.

Icelandair hefur nýlega áhyggjum yfir því að það sé ekki pláss á vellinum fyrir allar vélar erlendu flugfélaganna. Félagið reynir allt sem það getur til að stöðva samkeppnina og slá ryki í augu almennings og yfirvalda. Við þessum áhyggjum félagsins á samkeppni um aðgang að flugstöðinni er aðeins eitt svar: Þegar samkeppnin er komin á flug, og markaðurinn er orðinn mettaður eftir nokkurn tíma, þá mun Icelandair verða undir í þeirri samkeppni vegna okurfargjaldanna  og mun þurfa að fækka flugferðum til evrópskra borga, selja stóran hluta af vélum sínum og ekki endurnýja flugflotann. (Þetta mun líka verða hlutskiðpti Iceland Express ef þeir fara ekki að taka sig saman og bæta þjónustuna). Þá mun verða nóg pláss. 

Þetta hljóta að vera langtímamarkmið allra þeirra, sem aðhyllast frjálsa samkeppni í ferðaþjónustunni, ekki sízt á farþegaflugi til og frá Íslandi.

[Hjörtur Herbertsson, 19.11.2011 kl. 13:16]

Já Vendetta, ef þetta verður raunin sem þú ritar um hér að ofan, þá verður hér fullt af atvinnulausum flugmönnum og flugþjónum.

[Vendetta, 19.11.2011 kl. 13:55]

Já, en þeir gætu þá leitað vinnu út fyrir landsteinanna eins og svo margir aðrir hafa gert. Það þurfa ekki allir Íslendingar endilega að vinna á Íslandi. Sjálfur hef ég starfað í öðrum löndum meginhluta ævinnar.

Það er auðvitað leitt, að einokunarstefna íslenzkra yfirvalda muni á endanum valda atvinnuleysi flugmanna, en við því er ekkert að gera. Ég þekki menn (líka ættingja) sem voru iðnlærðir setjarar. Þeir misstu vinnuna smám saman þegar ný offset-tækni ruddi sér rúms í prentsmiðjum og olli samkeppni. Átti að berjast gegn þessari og öllum síðari tækninýjungum til að setjararnir fengju að starfa áfram í vernduðu umhverfi þar sem notaðar væru aðferðir sem löngu eru úreltar? Þetta er auðvitað ekki alveg það sama, en samt.

Þúsundir manns í fataiðnaði hafa orðið atvinnulausir í samkeppni við austur-asískar verksmiðjur vegna hnattvæðingarinnar. Það er mjög slæmt, en engu að síður hefur það fólk leitað annarra leiða til að sjá sér farborða. Það hefur verið erfitt og tekið langan tíma, en það er vonlaus barátta að heimta verndarstefnu á öllum sviðum.

Ef ég og allir aðrir á Íslandi ættum einungis að hugsa um íslenzka flugmenn og aðeins fljúga með Icelandair, þá mundi það bitna á okkur, sem höfum ekki ráð á munaði og okurfargjöldum og erum þess vegna fegin að geta komizt burt um stundarsakir (eða fyrir fullt og allt) fyrir lítinn pening með því að fljúga með EasyJet eða Norwegian. 

Ég veit að það eru bæði góðar og slæmar hliðar á frjálsri samkeppni, allt eftir því hvernig að því er staðið, samkeppniseftirlit verða að vera virk. En það eru aðeins slæmar hliðar á einokun og fákeppni. Það er mín skoðun.