Mogginn á flugi - en Herjólfur ekki

Veit ekki hvað skal segja en núna eru á forsíðu mbl.is 4 fréttir um Herjólf. Annað hvort er þetta stærra mál en höfnunin á kaupum Huang - eða hvað hann heitir - á landskika sem fáir vilja kannast við eða eiga, hvað þá búa á, á norðausturlandi eða þá að það er sannkölluð gúrkutíð í bransanum.

Jújú menn geta ályktað um hitt og þetta. Menn geta líka sjálfum sér um kennt. Já eða öðrum.

Athyglisvert þykir mér að ég sé hvergi harðorðar athugasemdir frá bæjaryfirvöldum í mínum heimabæ um að menn tryggi að það sé sama fargjald með skipinu - þegar það siglir - hvort heldur það fer til Landeyjahafnar eða Þorlákshafnar. - Menn eiga nú í mínum huga að byrja á að leysa það.

Höfnin er lítil og þröng - það var gert að að beiðni Eyjamanna því menn hræddust það eins og heitan eld að þarna risi kannski höfn sem tæki héðan verk og vit - hún er ekki fullklár enn blessunin. Við hverju er þá að búast? Ríkið hefur ekki efni á - eða týmir ekki - að hafa þarna alvöru dýpkunarskip og því verður þetta svona áfram. Við Eyjamenn verðum bara að kyngja því - ja allavega meðan við höfum ekki sterkari ítök á þeim bæjum er ráða för.

Eyjamenn krefjast svara