Hreint skítaveður - gleðileg jól

Það er nú meira skítaveðrið hér þessas tundina - ekki hundi, konu né börnum út sigandi og varla að við karlmennirnir í þyngri flokkunum eigum að vera að sniglast utandyra. Kom við hér í prentsmiðjunni fyrr í dag og heyrði þá í tunnu fara hér upp Hlíðareginn!!!! - Þetta er nú ekki ákjósandlegt veður til útivistar - því tók ég mig til og skúraði út og hjálpaði til við húsverkin, ekki á hverjum degi sem það gerist skal ég segja ykkur. En maður á þetta til, sérstaklega á svona stundum!!!

Vona bara að veðurhamurinn nái ekki að eyðileggja jólahátíðina fyrir fólki. Hvar sem það er nú statt á landinu. Hörmung þegar fólk þarf að standa á höndum við hin og þessi aukaverk á degi sem þessum þar sem flestir vilja eiga náðugun dag eftir klukkan 1300. Ber mikla virðingu fyrir björgunarfólkinu sem er að bjástra við að hjálpa þeim sem verða fyrir barðinu á veðrinu. Munum eftir þessu fólki í næstu viku þegar það stendur á haus við að selja áramótaflugelda til styrktar starfi sínu. Ekki gleyma því gott fólk. hef sjálfur notið góðs af störfum þessa fólks oftar en einu sinni og slíku gleymir maður ekki - hetjur miklar þó þær hafi ekki hátt.

 

En gleðileg jól gott fólk. Megi jólahátíðin fara vel með ykkur og veita ykkur ánægju og frið með þeim sem ykkur þykir vænst um. Gleðileg jól 

Björgunarsveitir að störfum

Athugasemdir

[Helgi Þór Gunnarsson, 25.12.2011 kl. 14:21]

Gleðileg jól kæri bloggvinur.