Villiköttur á villigötum

Hvaðan kom hann, hvert fór hann, hvar endar hann? Alveg er ég hættur að skilja Ögmund blessaðan í þessum aðildarviðræðumálum. Skondið að menn sem hafa verið alfarið á móti þesu vilji allt í einu fara að hraða öllu. Hann hefði betur bent Jóni Bjarnasyni á þetta þegar hann sat á sínum gögnum eins og hæna á síðasta egginu í dalnum.  Jón sjálfur hefur svo líka farið mikinn með kaskeytið dregið aðeins nður fyrir augabrún og látið allt annað líta drungalega út - en klárlega gleymt að líta í spegil.

Ég eins og Ögmundur og Jón vil endilega klára þessar viðræður en ég vil ekki að menn kasti til hendinni og spila þar með kannski af sér þessum fáu trompum sem við höfum á hendi. Gleymum heldur ekki að við sóttum um að komast í aðildarviðræður við ESB en þeir ekki við okkur. Því er ég ekkert hissa þó að þeir séu ekki á hlaupaskónum upp um alla veggi að klára ferlið, já já ég veit að við sóttum ekki um hvert og eitt fyrir sig heldur ríkisstjórnin fyrir hönd þjóðarinnar. En við skulum ekki gleyma að umræður um suma kafla hafa tafist og það vegna ímyndarveiki manna eins og Jóns um síðasta eggið í dalnum.

Þetta hefur sinn gang. Við erum með mjög færa aðila í samninganefndinni fyrir okkar hönd - treystum þeim til verksins. Við fáum svo að greiða um þetta atkvæði og þá kemur í ljós hver vilji þjóðarinnar verður, en það verður ekki fyrr en samningurinn liggur klár á borðinu og innihaldið öllum ljóst.

 

Getum ekki beðið eftir ESB

Athugasemdir

[Jón Óskar (IP-tala skráð) 10.4.2012 kl. 08:21]

Ögmundur eins og aðrir hjá VG bera ábyrgð á því að þessi vitleysa fór af stað og er ekki hissa þó þeir vilji slútta sem fyrst.  Höfum þó hugfast að það var alþingi Íslendinga sem ákvað að fara í þessar viðræður með þingsályktunartillögu sem var þar samþykkt.  Verst að forsetinn sé ekki látinn staðfesta slíka gerninga sé hann þess fullviss að meirihluti þjóðarinnar sé því fylgjandi.

[Elle_, 10.4.2012 kl. 15:51]

Já, ríkisstjórnin sótti um fyrir hönd þjóðarinnar sem var aldrei spurð.   Ríkisstjórnin sótti um fyrir einn pólitískan stjórnmálaflokk.  Það á þessvegna að draga vitleysuna til baka og þó löngu fyrr hefði verið.  Villiköttur?  Meinarðu kannski Jóhönnu eða Össur??