Ding Dong - enginn heima

Púff hvað þetta er átakanlegt að lesa um það sem vellur upp úr blessuðum mann garminum. Hann gengur greinilega ekki alveg heill til skógar svo mikið er víst. Það verður athyglisvert að sjá hvaða niðurstöðu menn fá í þetta mál að lokum.   ....ætla ekki að blogga meira um þetta mál fyrr en niðurstaða liggur fyrir.

Breivik krafðist lausnar

Athugasemdir

[Aðstandandi (IP-tala skráð) 17.4.2012 kl. 10:54]

Þú ættir að skammast þín fyrir viðbjóðslega fordóma þína gegn geðsjúkum. Geðsjúkir þurfa að líða fyrir þær ranghugmyndir, sem hægt er að afsanna með tölfræði, að geðsjúkir fremji fleiri glæpi en þeir sem þurfa ekki að glíma við geðraskanir. Þetta er lygi og hatur á þeim sem eru öðruvísi en aðrir, fordómar af sama tagi og Breviks, afþví að allar tölur afsanna þetta. Flestir helstu glæpamenn sögunnar voru alls ekkert geðveikir, og hættulegustu glæpamenn heims í dag, svo sem mafíuleiðtogar, gengjaleiðtogar og svo framvegis, eru almennt 100% heilir á geði (þeir eru bara ekki gott fólk). Nú þegar niðurstöðum fyrri sálfræðinganna hefur verið hafnað og vísindleg niðurstaða fengin í málinu sem segir að Brevik sé ekki geðveikur, þá þarftu samt að hafna henni og kenna ímynduðum geðsjúkdómum um málið, en ekki illsku Breviks sjálf, vegna samskonar haturs of fordóma og munu valda því að nú þegar Brevik hefur verið fundinn sekur um glæp munu fylgismenn hans afneita því, og segja að þetta sé bara múslimunum að kenna, af sömu ástæðu og þú villt kenna geðsýki um þetta, þó vísindamenn hafi komist að þeirri niðurstöðu Brevik þjáist ekki af henni yfirhöfuð. Skammstu þín fyrir þinn part í að breiða út fordóma, ranghugmyndir og mannhatur, og gera líf saklaus og góðs fólks sem líður bara verr en öðrum, út af erfiðleikum með efnaskipti í heilanum, erfiðara með því. Geðveiki er ekki glæpur, og hlutfallslega mun fleiri geðheilbrigðir en geðsjúkir fremja glæpi.

[Aðstandandi (IP-tala skráð) 17.4.2012 kl. 10:59]

Vil ekki taka undir með Brevik en hluti af hans málsvörn, til að hafa áhrif á sálfræðingana sem loks útskurðuð hann ekki geðveikan var að fá vitnisburð frá hægri öfgamönnum og Islamistum, til að fá það á hreint að hann er ekki eini maðurinn sem sér fram á trúarbragðastríð. Það er bara alveg rétt hjá honum. Hans skoðanir eru ekkert frumlegar, milljónir manns, mun fleiri í Islamska heiminum en hér, búa yfir svona skoðunum og sjá heiminn í svona svart-hvítu ljósi. Ekki af geðveiki. Ekki frekar en allir sem hafi tilheyrt nazistaflokknum hafi verið geðveikir á sínum tíma. Það voru þeir langfæstir, enda sjaldan sem heilþjóð er geðveik. Illska er illska, og á sér enga afsökun. Geðveiki er allt annar hlutur. Farðu að aðskilja þetta og uppræta þannig þína eigin fordóma. Á hverju ári taka þúsundir góðra manna lífið afþví þeir glíma við geðsjúkdóma og það er til fólk eins og þú sem tengir það við illsku og voðaverk, þó hægt sé að afsanna það. Þetta er fólk sem hefur ekki gert flugu mein, á sama rétt og virðingu og mannhelgi og þú sjálfur, er ekki minna virði en þú, og þú hefur engan rétt á að nýða með hatri þínu, frekar en Breivik múslima með sínu. Það taka líka margir hommar lífið af þeirri ranghugmynd að hommar fremji frekar kynferðisglæpi, þó tölfræðin sanni fleiri gagnkynhneigðir en hommar misnoti börn. Og skammastu þín svo bara.

[Jón Óskar (IP-tala skráð) 17.4.2012 kl. 13:02]

Mál Breiviks reynir á margt í okkar Norræna samfélagi.  Ég dáist að því hvernig Norðmenn hafa haldið á málinu og hreint ótrúlegt æðruleysi sem þarna er sýnt.  Held við gætum lært ýmislegt af þeim.  Þeir sýna þessum manni, margföldum morðingja, meiri virðingu en þú kæri nafnlausi "aðstandandi" gerir í garð þess sem hér hóf mál og sagði Breivik ekki ganga heilan til skógar. 

[Gísli Foster Hjartarson, 17.4.2012 kl. 13:43]

Kæri Aðstandandi.  hef bara akkúrat enga fordóma gagnvart geðsjúkum. Sagði bara að Breivík gengi ekki heill til skógar. Held að það sé öllum ljóst að drengurinn gengur ekki heill til skógar. Það táknar ekkert að hann sé geðsjúkur hann er bara ekki í lagi. Eða eigum við að segja að hann sé ekki eins og fólk er flest, þó að hann eigi sér skoðanabræður og það fleiri en 1000. Þess vegna á ég kannski ekki að segja að hann gangi ekki heill til skógar en segi það samt - en að ég sé á móti geðsjúkum er fjarri lagi.

Varðandi þetta sem þú segir: Geðveiki er ekki glæpur, og hlutfallslega mun fleiri geðheilbrigðir en geðsjúkir fremja glæpi.

þá er ég alveg sammála þér og rúmlega það.

Það verður forvitnilegt að sjá hvaða dóm Breivik fær að lokum

[Aðstaðdandi (IP-tala skráð) 17.4.2012 kl. 14:19]

Hélt að "ganga heill til skógar" þýddi = "að vera geðveikur", því það virðist stundum notað sem "euphemism" yfir hið síðara. En kannski var þetta misskilningur í mér. Biðst afsökunar. Reyndar er ekkert að því að vera ekki eins og fólk er flest. Móðir Teresa var ekki eins og fólk er flest, ekki Einstein og ekki var Jesús Kristur það. Það er engin sérstök dyggð að vera meðalmaður eða venjulegur. Við búum bara ekki í það góðu samfélagi, ennþá að minnsta kosti, og venjulegt fólk á bara almennt alltof langt í land í siðferðismálum. En það er von um framfarir. Mér líkar illa þetta mál hvað manninum er haldið í sviðsljósinu og teldi æskilegra að sýna ekki upptökur af honum sem verða bara til að afla honum fylgismanna sem þrá að deila sviðsljósinu. Það er eitt lítið dæmi um siðferðisbrest í okkar samfélagi að norskir fjölmiðlar skuli fá að sjónvarpa þessari illsku og breiða hana þannig út. Þetta er eins og að smíða ræðupúlt fyrir hann, og gerast þannig samsekur í glæpum hans.

[Gísli Foster Hjartarson, 17.4.2012 kl. 16:28]

hahaha - fott svar þetta vissulega getur verið gott að vera ekki eins og fólk er flest og stundum hefur það nú verið sagt um mig - og ég talið mér það til hróss. En ég er ekki svona öðruvísi á sama hátt og Breivik - má ég kalla það að vera með rugluna?  ...siðferði er nú ekki mikiðá íslandi,held að flestir séu nú farnir að sjá það en hvort eitthvað gerist í að bæta það veit ég ekki.    ......held að þetta með þessa útsendingargeggjun sé aðallega til að svala ímynduðum áhuga fólks á málinu. Áhuginn er til staðar þegar málið fer af stað síðan held ég að flest fólk dragi sig til hliðar í þessu, þó svo að fjölmiðlar hoppi og skoppi í kringum  málið.