Ding Dong enginn heima!!!

Hvað er þetta fólk eiginlega að spá - ef eitthvað? Það hefur margoft komið í ljós í skoðanakönnunum að fólk vill klára aðildarviðræðurnar - þó svo að það segist vera á móti. Sennilegast af því að fólk lifir ívoninni um að þarna verði eitthvað bitastætt. Kannski bara af því að fólk sér að með því að ræða málin betur og fá niðurstöður komi tækifæri til að berja á íslenskum pólitíkusum um að bæta þjóðarhag á einn eða annan hátt. Auðvitað eru margir þessir pólitíkusar hræddir því að innan ESB þá kæmust þeir ekki alltaf upp með  að láta eins og bjánar. Hvernig var það í könnuninni hjá SA, var það ekki þannig að fleiri voru á móti aðild en með en samt voru fleiri á því að klára viðræðurnar en að hætta - hvað segir það okkur?

 Svo er þetta náttúrulgea hlægilegt að vera að varpa þessu fram núna þegar langt er liðið á samningaferlið og að því er virðist hefur samninganefndin okkar staðið sig vel hingað til og því skyldi hún ekki gera það áfram? Svo er náttúrulega enn fyndnara að þetta kemur frá VG-liðum sem eru í ríkisstjórn og þetta var eitt af þeim markmiðum sem sú ríkisstjórn setti sér, þ.e.a.s. að fara í þessar viðræður ljúka þeim og síðan fær þjóðin að greiða um niðurstöðuna atkvæði. Ekki myndi ég nenna að starfa með liði sem lætur svona og veit aldrei í hvorn fótinn það á að stíga fyrst þegar það fer fram úr á morgnanna. Stærsti skaðinn í ESB viðræðunum hingað til hefur sennilegast verið Jón Bjarnason og hann er en galandi eins og hreinræktaður íslenskur hani á götum úti eins og hann eigi heiminn.

Hættið nú þessu væli - látið samningaferlið klárast og á meðan einbeitið ykkar af því að halda áfram að reyna að rétta þjóðarskútuna sómasamlega af.

Þjóðin verði spurð

Athugasemdir

[Ingibjörg Guðrún Magnúsdóttir, 28.4.2012 kl. 09:44]

Hvað þýðir það að klára (aðildarviðræðurnar) annað en aðlögun Gísli og hvaða viðræður ert þú að tala um og meirihluti Þjóðarinnar er blekktur með að sé í gangi....

Það þarf að fara upplýsa Þjóðina um það rétta í þessu ESB máli en ekki gefa henni endarlaust ranga mynd af því sem er í gangi...

[V.Jóhannsson (IP-tala skráð) 28.4.2012 kl. 10:16]

Ef þetta eru aðildarumræður, þá sé ég þær í því ljósi - þar sem húsbóndinn er með korn í annarri hendi, en kylfu í hinni og tælir hænuna að sér. Þegar aumingja heimska hænan bítur í kornið fær hún rothöggið og verður aldrei söm eftir og þá með endalausa eftirgjöf. Þetta er staðan i dag.

Ég er hlynnur aðild , en ekki undir þessum kringumstæðum, þar sem hænur eru fulltrúar þjóðarinnar.

Er þjóðin virkilega svo heimsk að hún lærir ekki, samber hænan.

[Ásthildur Cesil Þórðardóttir, 28.4.2012 kl. 11:29]

Þetta eru innlimunarviðræður en ekki samningar.  Eins gott að þið dindlarnir farið að opna augun.

[Gísli Foster Hjartarson, 28.4.2012 kl. 15:50]

Innlimunarviðræður - þið hljótið að vera ða grínast? hvoru megin fóruð þið framúr í morgun? Kynnið ykkur bara ferlið hjá öðrum þjóðum við inngöngu. Við erum ekkert meiri og merkilegri en aðrar þjóðir sem þarna hafa gengið inn og fáum bara sömu meðferð og aðrir. Eini gallinn er að við högum okkur oft eins og vindhanar. Í öllum köflum sem lokið hefur verið viðræðum á veit ég ekki betur en  að allt ahfi verið eins og best verður á kosið. Landbúnaðarkaflinn verður erfiðastur, þó þar höfum við vissulega tækifæri á að sérstaða okkar komi sterk inn. - öndum rólega

[Ásthildur Cesil Þórðardóttir, 28.4.2012 kl. 15:56]

Við skulum spyrja að leikslokum Gísli minn, þá verður gaman að horfa á ykkur þurfa að éta ofan í ykkur vitleysisganginn.  Sérstaklega er þessi setning bráðfyndin:´Landbúnaðarkaflinn verður erfiðastur, þó þar höfum við vissulega tækifæri á að sérstaða okker komi sterk inn. 

Hvernig rímar þetta annars við skýrsluna frá ESBforkólfunum sjálfum: „Í sérstökum bæklingi sem Evrópusambandið hefur gefið út til að útskýra stækkunarferlið er kafli sem heitir Aðlögunarviðræður. Kaflinn hefst á þessum orðum: “Fyrst er mikilvægt að undirstrika að hugtakið „samningaviðræður“ getur verið villandi. Aðlögunarviðræður beinast að skilyrðum og tímasetningum á inngöngu umsóknarríkis, framkvæmd og beitingu ESB-reglna, sem eru upp á 90.000 blaðsíður. Og þessar reglur (líka þekktar sem „acquis“, sem er franska yfir „það sem hefur verið ákveðið“) eru ekki umsemjanlegar. Fyrir umsóknarríki er þetta í grundvallaratriðum spurning um að samþykkja hvernig og hvenær eigi að framkvæma og beita reglum ESB og starfsháttum. Fyrir ESB er mikilvægt að fá tryggingu fyrir dagsetningu og skilvirkni innleiðingar umsóknarríkis á reglunum.““

[Snorri Hansson, 28.4.2012 kl. 18:14]

Gísli Foster.

Það er rétt hjá þér að við erum hvorki meiri og merkilegri en aðrar þjóðir, Eini munurinn er sá að við viljum vera fyrir utan það sem engin veit hvernig lítur út eftir fimm sex ár.Evru sambandið er allt að fara úr límingunum. Þetta vitum við þessir Ding Dong, vælandi vitlausu,heimsku,vindhanar vegna þess að margir okkar lesa netútgáfur erlendra blaða og hlusta ekki bara á RUV. Ég myndi heldur aldrei vilja vinna með þér þú virðist vera algjör eintrjáningur.

Það er rétt hjá þér að Jón Bjarnason minnir á hreinræktaðan íslenskan hana og sannar að íslenskir hanar geta staðið sig vel á afmörkuðum sviðum .Jón Bjarnason stóð sig afburðavel í þessari gæfulausu ríkisstjórn og hafi hann miklar þakkir fyrir.

[Ásthildur Cesil Þórðardóttir, 28.4.2012 kl. 18:25]

Tek undir með það hjá þér Snorri, að Jón Bjarnason stóð sig afskaplega vel og stóð í lappirnar, og var þess vegna látinn víkja.  Eitt af frumskilyrðum góðrar stjórnasýslu er að vita hverjir eru traustir og sannir og hverjir eru hinir raunverulegu vinhanar eins og sumir sem maður ætti ekki að nefna, en fyrsti stafurinn er Össur.