Gott að ekki fór verr x 2

Það e nú gott að þetta fór svona og menn komu taug í bátinn. Ömurlegt alltaf þegar fréttir berast af svona ástandi.

Sérstakt samt klúðrið í fréttinni þarna:

Neta- og dragnótabáturinn Kristbjörg VE-071 er nú á leið til Vestmannaeyja í eftirdragi línubátsins Páls Jónssonar GK7. Landhelgisgæslan aflýsti hættuástandi í Meðallandsbukt, þar sem Kristbjörg var vélarvana, á öðrum tímanum í nótt en þá var taug komin milli skipanna og þau fjarlægðust land.

Kristbjörg varð vélarvana á tíunda tímanum í gærkvöld eftir að eitthvað fór í skrúfuna. Þyrla Landhelgisgæslunnar sem var nýkomin frá Keflavík var send á staðinn auk björgunarskips Slysavarnarfélagsins Landsbjargar frá Vestmannaeyjum og Höfn sem og björgunarsveitum af Suðurlandi sem biðu átekta í landi við Skarðsfjöru.

Skipverjum Kristbjargar tókst að varpa akkerum og stöðva þannig rek skipsins til lands um 1 sjómílu frá landi. Nærliggjandi skip voru í um 25 sjómílna fjarlægð. Það fyrsta á vettvang var línubáturinn Páll Jónsson GK7 sem tók Kristbjörgu á tog og var haldið á dýpri sjó. Þegar ljóst var að það gengi eftir héldu björgunarsveitir, bátar og þyrlan síns heima án þess að til kasta þeirra kæmi og Landhelgisgæslan aflýsti hættuástandi.'

Togarinn Jón Vídalín fór til móts við bátana og tók við Kristbjörgu, sem dreginn var til Vestmannaeyja þaðan sem skipið er gert út.

Hver tók hvern í tog og hver tók við?

Annars er þetta nú hátíð á miðað við bullið sem var í gangi í gærkvöldi þegar mönnum dat í hug að senda út beint frá lendingu þotunnar í Keflavík - það þótti mér með ólíkindum, var sem betur fer með stillt á aðra stöð. - Skilst að þetta af verið eins og menn ætluðu að fara að senda beint út frá íþróttakappleik!!!! - kom sér að allt fór vel.

 

Kristbjörg dregin til Eyja