....magnað

....ef maður klárar ekki sitt á maður ekki skilið að vinna

Miðað við tölfræðilega yfirburði Bayern i kvöld gæti þessi setning vel átt við. En svona fór þetta og því fór sem fór og Chelsea því Meistaradeildarmeistari í fyrsta sinn - til hamingju með það stuðningsmenn Chelsea. Magnaður leikur og það er gaman í ljósi þess að margir höfðu enga trú á þessum leik þar sem hvorki Real Madríd né Barcelona voru í leiknum þeir aðilar höfðu rangt fyrir sér, held að flestir séu sammála um það.

Abramovich búinn að ná sínu æðsta markmiði með Chelsea og lengi vel í vetur erum við búin að vera velta okkur upp úr því að þetta hafi verið slakur vetur hjá Chelsea. EN uppskeran er önnur. Sigur í Meistaradeildinni og í elstu bikarkeppni í heimi. Þessi vetur þannig séð risastór og Chelsea liðið klárlega sigurvegari vetrarins í Englandi. Hafði nú reyndar líka gaman af því að Man. City skyldi vinna deildina alltaf gaman þegar ný lið komast á blað.

Verður gaman að sjá hvernig Chelsea menn ætla að spila úr þjálfaramálunum hjá sér. Já og líka leikmannamálunum. Terry og Lampard búnir að ná íþessa dollu ofan á allt hitt og komnir ofar á blaðið um stærstu nöfn enskrar knattspyrnu síðustu áratugina. Chech, Drogba og svona getur maður haldið áfram já og Torres nú Meistaradeildarmeistari sem og Evrópu og Heimsmeistari!!!!

Personulega hefur mér, já og Ian Jeffs of Matt garner og reyndar fleirum en tengjast Crewe Alexandra þótt gaman að sjá Steve Holland sem hægri hönd Roberto á bekknum hjá Chelsea en hann var einmitt þjálfari hjá Crewe þegar samstarf ÍBV og Crewe hófst. Tók síðan við Crewe en missti klefann ef svo má að orði komast og var látinn fara. Endaði sem þjálfari U-21 hjá Chelsea , frábær þjálfari þessi piltur.

Má líka til með að minnast á að ég þurfti að horfa á leikinn á stöðr 2 sport í kvöld. þar endaði leikurinn tvisvar en hélt samt alltaf áfram samkvæmt lýsingunni og steininn tók alveg úr þegar lýsandinn lagði á það áherlsu í 2 eða 3 gang hversu nálægt leikmönnum hann væri eins og hann væri í einhverri öfundarkeppni við okkur sem ekki vorum á vellinum!!!!! ...ætla ekki að draga fleiri hluti út úr lýsingunni en leikurinn sjálfur var góð auglýsing fyrir þessa mögnuðu keppni.

Chelsea er Evrópumeistari

Athugasemdir

[Friðrik Friðriksson, 20.5.2012 kl. 07:39]

Mikið rétt Gísli, Chelsea er klárlega sigurvegari vetrarins í Englandi.

[Halldór Jóhannsson, 20.5.2012 kl. 10:26]

Tær snilld:)

Sá framlenginguna og rest:)

HR.Drogba,jú jú Cech og allir hinir:):)

Það er sorglegt að hlusta á þennann mann sem lýsti...

[Ja ja (IP-tala skráð) 20.5.2012 kl. 16:34]

Það fer eftir því á hvaða sjónvarpsrás þú horfðir á, Halldór.