Ekki í fyrsta sinn....

Þessu hefur nú verið fleygt fram nokkrum sinnum síðustu ár, þ.e.a.s. að þessi leiktíð eða hin sé sú síðasta hjá sir Alex. Ekkert að því hefur gengið eftir hingað til en á endanum hlýtur einhver að hafa rétt fyrir sér.   ....en tíminn til að blása í lofgreinar um frábæran ferill þessa mikla meistara er ekki enn kominn þar sem hann er ekki hættur.

Segir að Ferguson hætti eftir næstu leiktíð

Athugasemdir

[Bragi, 25.5.2012 kl. 14:20]

Það verður mesta betrumbót enskrar knattspyrnu þegar þessi maður hættir. Keppnin verður drengilegri fyrir vikið en ekki öll út í lygum í garð annarra liða og sálfræðiskotum langt fyrir neðan beltisstað.

Frábær árangur hjá honum en ódrengilegur er hann. Slíkt á ekki heima í íþróttum.

[Gulli (IP-tala skráð) 25.5.2012 kl. 17:02]

Mér finnst nú merkilegt hvernig Whelan veður uppi í fjölmiðlum með fréttir af framkvæmdastjórum annarra liða

[Einar (IP-tala skráð) 27.5.2012 kl. 13:22]

Jæja Bragi minn, hvernig geturu sagt þetta um einn sigursælasta knattspyrnuþjalfara í heimi? Lekur biturleikinn svoleiðis út úr þér af því þínir menn geta ekki neitt? Og þú vilt líklega kenna Ferguson um það, því hann jú, "knocked Liverpool of their fucking perch". Hvernig er Ferguson að ljúga upp á aðra? og hvernig verður keppnin drengilegri? Þetta er bara partur af boltanum sem þið Liverpoolmenn getið ekki sætt ykkur við, eftir að Benitez, ætlaði í frægt sálfræðistríð við Ferguson hér um árið, en lét það mikið í minni pokann að Liverpool glataði titlinum.

Djöfull er ég orðinn þreyttur á þessu fjandans væli alltaf í ykkur púllurum um Ferguson, en þegar allt kemur til alls, þá er þetta bara öfundsýki út í eitt.

[Kristinn Þorri (IP-tala skráð) 27.5.2012 kl. 23:09]

Einar, ætli kallinn sé ekki að fara að hætta vegna þess að Mancini saltaði hann í sálfræðistríðinu á síðustu leiktíð.. hefur verið leiðinlegt fyrir kallinn að falla fyrir eigin bragði.

[Bragi, 28.5.2012 kl. 16:52]

Einar: Það er mjög auðvelt að segja þetta um einn sigursælasta þjálfara í heimi.

Við skulum hafa það á hreinu til að það sé enginn misskilningur hér. Ferguson var fyrsti maðurinn til að ljúga sakir upp á Suárez og hélt áfram þeirri herferð með áframhaldandi lygum næsta hálfa árið. Já, fyrsti maðurinn sem nefndi það, meira að segja á undan Evra. Það kemur augljóslega fram i FA skýrslunni. Evra nefndi ekki einu sinni þessar ásakanir í dómaraskýrslunni eftir leikinn.

Ég hef ekkert á móti því að Ferguson hafi ætlað að "knocka Liverpool off their fucking perch", en ég hef hins vegar mikið á móti því að hann geri það með lygum og óheiðarleika, slíkt á ekki heima í íþróttum, hvað þá fallegustu íþrótt heims. En svona starfar hann, hikar ekki við að draga mannorð einstaklinga og íþróttafélaga í svaðið ef honum sýnist sem svo. Kolruglaður.

Ferguson laug án þess að blikka í Evra/Suárez málinu til að 1. Reyna að koma leikmanni burt sem er í heimsklassa og 2. Til að draga nafn Liverpool i svaðið. Svoleiðis er ófyrirgefanlegt í mínum augum og á maðurinn ekkert skilið nema neikvætt umtal.

Keppnin verður drengilegri fyrir vikið þegar ódrengilegur maður hverfur á braut. Reyndar mun Mourinho taka við af viðbjóðslega manninum og er hann reyndar engu skárri. Nema kannski lýgur hann ekki eins mikið.

Partur af boltanum segirðu. Blindnin er svo mikil hjá ykkur, það er með ólikindum. Velti því fyrir mér hvort þú myndir segja slíkt hið sama ef það væri gengið yfir United á drulluskítugum og "óheiðarlegum" skóm. Ég held ekki.

Benitez fór í sálfræðistríð já en hann reyndi ekki að draga heilt félag niður í svaðið með lygum í fjölmiðlum í hálft ár. Hann fór í sálfræðistríð og tapaði. Veistu af hverju hann tapaði? Ekki út af því að þetta voru lygar sem hann nefndi, heldur vegna þess að Ferguson er svo virtur að fjölmiðlar tóku varla eftir þvi sem Benitez sagði. Ef Ferguson hefði látið svipaða hluti úr sér, þá hefði allt orðið vitlaust í fjölmiðlum og hann hefði gert út af við andstæðing sinn á einum mánuði.

Áður en þið United menn tjáið ykkur meira skuluð þið hafa á hreinu hvað þessi maður gerði. Svarið er að finna i FA skýrslunni.

Sálfræðistríð eru ekkert slæm. En ef menn beita sér með óheiðarlegum hætti til að ganga frá öðru liði til frambúðar, þá mætti maður spyrja sig um geðheilsu viðkomandi aðila.

[thin (IP-tala skráð) 29.5.2012 kl. 09:21]

Bragi minn. áður en þú ferð að níða skóinn af öðrum í sambandi við Suarez málið þá skaltu hafa það í huga vinurinn að Suarez er alveg einfær um að sjá um sig sjálfur. Drengurinn er búinn að sýna það og sanna á sínu fyrsta tímabili hjá Liverpool. Minnir mann um margt á Joey Barton þar sem þeir eru sjálfum sér verstir

[Bragi, 29.5.2012 kl. 13:31]

thin: Ég níði hvaða skó sem ég vil níða.

[thin (IP-tala skráð) 29.5.2012 kl. 16:38]

Já nákvæmlega, þ.a.l. þá eru þessi níð hálfömurleg og hitta ekki marks

[Bragi, 29.5.2012 kl. 17:28]

thin: Ertu að reyna United rökfærslur á mig? Sökum þess að ég kýs sjálfur hvern ég tala illa um, þá er það ekki markvert? Þú getur nú örugglega betur en þetta?

Eina sem ég segi er sannleikurinn. Sannleikurinn er ljótur, afar ljótur í þessu tilviki.

Því verður það mesta betrumbót enskrar knattspyrnu þegar Ferguson hættir, líkt og ég sagði í fyrstu færslu minni.

En það er gaman að sjá til þess að United aðdáendur styðji "stjóran sinn" og "fyrirliðann" í slíkum viðbjóðslegum verkum. Það segir margt um þann íþróttaanda sem fylgir stuðningsmönnum þessa liðs, þ.e. hann er enginn.