Glæpamenn?

Miðað við fréttirnar á RÚV áðan þá er það hreint með ólíkindum hvernig menn hafa látið með Sparisjóð Keflavíkur. Það hlýtur einhver að vera ábyrgur fyrir þessu ef rétt er og þá hlýtur einhver/einhverjir líka að fá dóm fyrir þessar gjörðir - Menn hafa verið alfjörlega úti á túni í þessum rekstri þarna.

...og það eitt að pólitíkin ÖLL SEM EIN skuli ekki rísa upp hátt og snjallt og gagnrýna þetta opinberlega finnst mér með hreinum og klárum ólíkindum. Svona gjörðir snúast ekki um pólitík heldur siðferði og ef siðferðið er ekki betra en þetta og menn setja ekki ofan í við menn varðandi það, þá finnst mér það nú segja ýmsilegt um siðferði viðkomandi.

Rétt ákvörðun hjá Steingrími

Athugasemdir

[Baldur (IP-tala skráð) 13.6.2012 kl. 13:31]

Sæll Gísli

Það er með ólíkindum hvað menn eru búnir að dæma fyrirfram menn tengda sparisjóðnum í Keflavík. Nafntogaða menn sem hafa unnið ötullega fyrir bæjarfélagið svo áratugum skiptir. Ekki má gleyma að enginn hefur verið dæmdur og hvort það verður leiðir tíminn einn í ljós en þangaðtil eru menn saklausir. Eigum við ekki að bíða og sjá hvað gerist, en auðvitað á að refsa þeim sem sigldu sparisjóðnum í strand. Var þetta viljandi gert eða ofmátu menn stöðuna? Ætluðu sér of mikið?

[Gísli Foster Hjartarson, 13.6.2012 kl. 13:46]

Skiptir ekki nokkru máli hvort menn hafi unnið ötullega fyrir bæjarfélagið í þessu tilfelli Baldur eða ekki. Það er bara allt annar hlutur. Menn hafa væntanlega komist í lykilstöðu út á pólitíska velvilld, í Keflavík sem og víða annarsstaðar. Eiga menn að njóta sérkjara út á það? Talað er um að mönnum hafi verið lánað langt úm fram heimildir og út fyrir veðgetu. það getur ekki talist eðlilegt, er það?  EN auðvitað eru menn saklausir uns dæmdir það á við um þessa menn eins og aðra. En ef allt hefur verið þarna með eðlilegum hætti þá er bleik brugðið.

[Baldur (IP-tala skráð) 13.6.2012 kl. 13:49]

Nei nei það á ekki að skipta, það sem ég á við er að þetta eru virtir menn og hafa gert margt gott.  Varla hafa þeir viljandi gert bæjarbúum, landsmönnum óleik með þessu?  Er þetta ekki bara meiri spurning um vanrækslu heldur en glæpsamlegt athæfi?  Menn ofmátu eigið ágæti og fóru fram úr sér? 

[Ragna Birgisdóttir, 13.6.2012 kl. 13:54]

Hvað fólk getur varið og verið meðvirkt sérstaklega þegar kemur að þætti stjórnmála og peningamanna.

[Baldur (IP-tala skráð) 13.6.2012 kl. 14:00]

Þetta er ekki meðvirkni, ég neita því bara að trúa að þessir menn hafi viljandi ætlað sér að svona færi.  Það getur bara ekki staðist, á þessum tíma tóku menn áhættur og eftirlit var ekkert.. margur féll í þá gryfjuna. Það má deila um hvort þetta hafi verið glæpsamlegt eða hrein og klár vanræksla.

[Ragna Birgisdóttir, 13.6.2012 kl. 14:49]

Neitar að trúa Baldur.Eru ekki verklagsreglur sem fólki ber að fara eftir í stjórnum banka? Þetta fólk fór ekki eftir þeim og útdeildi peningum eins og sandi í sandkassa ,án þess að leggja þetta fyrir alla aðila. Það sorglega við þetta allt er eins og oft áður að þetta lendir á saklausum skattgreiðendum þessa lands að borga upp þessa viðurstyggð peningafólksins sem flest virðist samt hafa haldið eignum sínum tvist og bast og lifir góðu lífi.Og samflokksfólk þessara aðila rífa kjaft á þingi eins og enginn sé morgundagurinn.

[Baldur (IP-tala skráð) 13.6.2012 kl. 16:19]

Það er fullt af "fórnarkostnaði" sem lendir á okkur skattgreiðendum, ekki er hægt að gráta það endalaust.  Þannig er það bara nú.  Samflokkksfólkið er ekki að réttlæta gjörðir stjórnenda SPKEF heldur að gagnrýna það að ríkið ábyrgðist og tók yfir.  Eg er sammála ríkinu í þeirri aðgerð.  Margt dapurt gerðist í hruninu sem ekki er hægt að vola yfir endalaust, ástandið hér er smám saman að lagast og það gerist eins og ávallt með dugnaði og krafti fólksins. 

í vor spilaði ég golf um nokkra vikna skeið með nokkrum bandaríkjamönnum í Florida.  Þessir menn höfðu mikinn áhuga á "hrunsögunni" á Klakanum.  Við fórum rækilega yfir þetta enda lentu Bandaríkjamenn illa í þessu einnig.  Staðreyndin er samt bara sú að í flestum tilfella spennti fólk bogann sinn allt of mikið, það gerðu margir þau mistök.  Bankamenn á mikið meiri skala en almenningur.  Við hjónin töpuðum einhverjum milljónum en af fé sem við áttum, tókum ekki lán fyrir.  Skaðinn var takmarkaður.  Neyslan var allt of mikil, menn neituðu sér einskins og áttu fyrir fæstu, við þekkjum öll dæmi þess.  Slíkt er ennþá í gangi, vorum með fólki á Tenerife í vetur sem tók alla ferðina á kreditkorta-lánum og það átti að eyða árinu svo í að greiða herlegheitin.  Yfirgnæfandi hluti landsmanna þyrfti að komast á gott fjármálanámskeið.  Málið er, það fóru flestir á neyslufyllerí á einhvern hátt, gerðu mistök og töldu sig ósigrandi...bankamenn líka.  En fæstir gerðu þetta með illum tilgangi.

[corvus corax, 13.6.2012 kl. 17:46]

"Er þetta ekki bara meiri spurning um vanrækslu heldur en glæpsamlegt athæfi?" spyr Baldur hér fyrir ofan. Er það spurning um vanrækslu þegar stjórnandi sparisjóðsins fer langt út fyrir sínar heimildir í lánveitingum og fellir niður ábyrgð hjá afkvæmum sínum? Það er ekki vanræksla, það er glæpsamlegt athæfi. Það er ljóst að þarna var stundaður stórfelldur þjófnaður á annarra manna fé og farið glæpsamlega með það að auki. Og það er með öllu óþolandi að almennir skattgreiðendur sitji uppi með tjónið. A.m.k. er það sjálfsögð krafa að þetta óhæfa lið sem fór svona með fjármuni sem það átti ekkert í sjálft, verði látið sæta ábyrgð og sitja í fangelsi fyrir vikið. Annað er hrein ósvífni við skattgreiðendur sem fá reikninginn fyrir þessi glæpaverk óhæfra stjórnenda sparisjóðsins. Ef ég yrði uppvís um fjárdrátt frá fyrirtæki sem ég starfa hjá fengi ég að sjálfsögðu sekt, fangelsisdóm og bótakröfur á mig. Það er krafa mín sem skattgreiðanda að þessir menn þurfi líka að sæta slíkri ábyrgð fyrir sín afglöp.

[Gísli Foster Hjartarson, 13.6.2012 kl. 18:41]

Baldur minn ég skil að vissu leyti hvaðan þú ert að koma. En það heimilar ekki svona framkomu. Ég veit um helling af fólki sem missti sig ekki og hefur ekki en. En það tapaði samt peningum á glæfralegum leikjum bankamenna sem fóru með þeirra fé. Þið hjónin töpuðuð einhverjum milljónum, og það virðist ekki skipta þig máli. Er ekki allt í lagi hjá þér væni? Fékkstu það bætt? Eða var þetta gamlb í hlutabréfum? áhættusjóðum? Afsakar forvitnina. EN vissulega getur fólk tapað á sumum viðskiptum. EN þú hlytur að vera vel fjáður ef nokkrar milljónir skipta þig ekki máli. Jújú peningar eru ekki allt en eru það í rauninni samt, ef svo má ða orði komast.

Fréttirnar af þessu máli verða sífellt grófari og umgengni allra vega sumar stjórnenda er alveg úr korti á óafsakanleg ef þú spyrð mig.

[Ragna Birgisdóttir, 13.6.2012 kl. 20:21]

http://www.dv.is/frettir/2012/6/13/vekja-fremur-hugrenningartengsl-vid-fadaema-spillingu-en-hefdbundinn-sparisjod/

[Baldur (IP-tala skráð) 14.6.2012 kl. 09:18]

Sæll Gísli

Ekkert að afsaka forvitnina.  Við töpum á áhættusjóð sem góður fjölskylduvinur "talaði okkur inná", benti okkur á réttara er sagt.  Það voru ekki miklir fjármunir fyrir okkur en samt nokkrar milljónir sem við settum í og misstum. Ábyrgðin er að öllu leyti hjá okkur, ákvörðunin var á endanum okkar.  Þetta var auðvitað skítt en eins og ég sagði voru þetta peningar sem við áttum og við settum í þessa fjárfestingu.  Aðalatriðið er að við ÁTTUM þetta fé, vorum ekki að taka lán fyrir þessu eins og margir gerðu (og létu svo hafa eftir sér að hafa verið talaðir á þetta) sem eru mikil mistök.  Bendi bara á að það voru margir sem gerðu mistök, margir sem mærðu "útrásarvíkinga" & bankamenn t.d.  Sökin er ekki öll þeirra.