Hvað meina menn?

Þarna segir svo ég taki bara beit úr greininni þar sem mbl.is segist hafa eftir Elliða.

Elliði bætir við: „Óneitanlega veltir maður fyrir sér þessu orðalagi að þetta hafi verið tekið fyrr út en eðlilegt var, því að ef við hefðum beðið lengur með að nálgast þessa fjármuni að þá hefðum við einfaldlega ekki getað það vegna hrunsins. Maður veltir fyrir sér hvort að það hefði verið eðlilegur tími að mati stefnanda.“

Ég er sammála Elliða þarna hefði verið eðlilegast að tapa þessu fé í hruninu? Hitt sem ég velti fyrir og er algjörlega hinu megin á teningnum og það er það hvort að slitastjórnin vilja meina að Bæjarstjórn Vestmannaeyja hafi vitað afhruninu og því flýtt sér að taka út sína peninga - sem væntanelga var gert á réttmætan hátt?  ....eða hvað meina menn? Menn hljóta að vera með eitthvað uppi í erminni þegar orðalagið er svona loðið. Menn eru að gera að því skóna að eitthvað hafi ekki verið eðlilegt - Hvað var það?  ...svör óskast

Slitastjórn stefnir Vestmannaeyjum

Athugasemdir

[Almenningur (IP-tala skráð) 22.7.2012 kl. 15:20]

Svonefndar slitastjórnir eru 2007-launaðar hýenur sem eru undirlægjur hrægammasjóðanna  sem mergsaug hrunbankana. Þrælsóttiinn við mafíuna, sem enginn má vita nein nánari deili á,  er svo yfirþyrmandi að þær svífast einskis að ráðast á heiðarlegt fólk og sveitarfélög til að mergsjúga. Í þessu máli kunna þær að hafa stigið skrefi of langt. Peningasjóðir voru frálsir til útborgunar, enda hefði hrunbankinn ekki greitt út milljarðinn nema svo hefði verið. Í treysti Eyjapeyjum til að kjöldraga hrææturnar þannig að eftir verði tekið og krefjist svo bóta af þeim fyrir rangar sakagiftir! Síðan þarf almúginn að sýna þeim fávitum sem skipa stjórn Bankasíslunnar að hann tekur ekki þegjandi 20 milljarða bakreikningi sem Skallagrímur sagði að sú stofnun hefði lagt til að yrði lagður á almúgann. Reyndar skipaði Skallagrímur sjálfur formann þeirrar stjórnar, þ.e. Guðrúnu Ragnarsdóttur,  sem mun lika vera forstjóri Lánastofnunar námsmanna.

[Ómar Bjarki Kristjánsson, 22.7.2012 kl. 16:56]

Jaá, það er bara erfitt að meta þetta nema a sjá upplegg slitastjórnar. Kmur annarsstaðar fram að fjármunirnir hafi verið í fjárstýringu hjá Kaupþing. Getur alveg verið að Slitastjórn sé að byggja á einhverjum samningum sem Bærinn gerði við Kaupþing við innlagningu fjárins. þetta er náttúrulega há upphæð.

þar að auki, ef um peningamarkaðssjóð var að ræða - að þá hefði Bærinn aldrei tapað öllu. Var ekki talað um að um 80% af inneignum peningamarkaðssjóðanna hafi verið greiddir út? það munar samt um afganginn ef miðað er við að málið snúist um 1 milljarð í inneign.

[Hrúturinn (IP-tala skráð) 22.7.2012 kl. 17:04]

70%, þ.e. málið snýst um 300 milljónir hjá Eyjamönnum. En hvers vegna greiddi Kaupþing þá féð út á  sínum tíma???

[Guðmundur Ásgeirsson, 22.7.2012 kl. 18:10]

Þetta er frábært.

Byggjandi á þessu fordæmi hlýtur slitastjórnin nú að krefjast þess að allir útrásarvíkingarnir sem tóku fé út úr bankanum áður en honum var lokað, skili því, enda hafi það verið tekið fyrr út en en eðlilegt var.

Þar eru hundruðir milljarða sem hægt er að endurheimta, gott ef það væri ekki hægt að spóla bara til baka aftur til 2007 og leiðrétta hrunið fyrirfram.

Að taka "fyrr út en eðlilegt" var líka notað sem getnaðarvörn meðal Rómverja til forna. Tvennum sögum fer þó af árangrinum af notkun hennar.