Auðvitað - ekki spurning

Þó þeir virki stundum eins og kjánar sumir ráðherrar VG þá vita þeir eins og við hin að við þurfum að losa okkur við okkar eigin gjaldmiðil og komast inn á önnur mið. Evran sennilegast besti kosturinn fyrir okkur svo norska krónan, enska pundið, USA dollar og svo Kanadadollar - eitt ætti okkur öllum að vera ljóst að við þurfum stöðugri og öflugri gjaldmiðil og það fyrir löngu síðan.

Evran samþykkt fyrirvaralaust

Athugasemdir

[Sigurður Þorsteinsson, 19.8.2012 kl. 07:59]

Heill og sæll Gísli, þegar ég er spurður erlendis, hvernig hægt sé að kynnast íslensku þjóðarsálinni, bendi ég á Vestmannaeyjar. Þar er talað hreint út, án þess að viðmælendur breytist í grátkonur ef fólk er ekki sammála. Minnist þess þegar ég var á námsárum mínum að þjálfa fótbolta austur  á Seyðisfirði. Um verslunarmannahelgi var leigð flugvél og farið út í Eyjum. Mér var boðið í reyktan lunda hjá hjúkrunarkonu, Helgu Jó. Þvílíkt orðbrgagð, þvílíkur karakter! Þú heldur uppi orðsporinu hérna á blogginu, þó þú sért fágaðari. Þykir vænt um það.

Löngu fyrir hrun, kom ég með hugmyndir að norsku krónunni. Astæðan var sú að mitt mat  væri það að þrátt fyrir að sveigjanleiki eigin myntar hefði sannarlega sína kosti, þá myndi atvinnulífið yfirvinna kosti sveigjanleikans m.a.  með betri áætlanagerð og meiri trausti á myntina.   Reyndar held ég að við eigum að gefa myntina ,,frjálsa". Þannig myndi t.d. verslun og þjónusta  leyfa að borgað sé t.d.  í Evrum, dollurum eða íslenskum krónum. 

Gestir mínir hafa sagt í gegnum tíðina, að auðvitað eigum við að gagna í ESB, en á réttum forsendum. Ekki vegna þess að við græðum á því, heldur af pólitískum ástæðum. Við séum hluti af Evrópu og ESB sé fyrst og fremst friðarbandalag. Með friði í Evrópu, sé meiri líkur til þess að stöðugleiki haldist. þetta eru sömu áherslur og jafnaðaraðurin og helsti talsmaður ESB á Norðurlöndum  og Íslandsvinur, hefur lagt áherslu á. 

Auðvitað er skilningur á því að við förum ekki inn í ESB, með núverandi sjávarútvegsstefnu því hún sé galin, en eftir að þeirri stefnu verði breytt sem gæti tekið 10 ár eða meira. Svo sé ólíklegt að við viljum koman inn í bandalagið miðað við nútverandi ástand því til þess að leysa þann pakka, þarf almenningur í  ESB að borga. 

ESB hefur engan áhuga á því fá inn land, þar sem mikill meirihluti þjóðarinnar vill ekki inn. ESB vill ekki fá þjóðaratkvæðagreiðslu þar sem aðild væri kolfelld. Það skaðar ESB og slíkt yrði notað miskunnarlaust í áróðri þeirra innan ESB sem vilja leggja bandagið niður eða gjörbreyta því. 

[Gísli Foster Hjartarson, 19.8.2012 kl. 14:17]

Þetta er góður pistill Sigurðu. Helgu Jóh þekkti ég - amma Steingríms heitins Jóh markaskorara og fleiri góðra. Það var ekki ´ikot vísað með orðaforðann þar. Er alveg sammála þér að sterkari gjaldmiðill mun hjálpa okkur mun frekar en hitt. Gaman líka að lesa útskýringar þínar og "umræður" - það er akkúrat þetta sem mér finnst vanta í umræðuna um ESB og aðild eða ekki aðild. Það er að segja að fólk tali saman á vitrænum grunni og fari yfir málin - að það sé ekki verið í sífellu að kasta inn einhverjum sprengjum um hitt og þetta, sem margt hvert hefur í raun ekkert með ESB og aðild, eða ekki að ræða. Hvenær fáum vi skilmerkilega umræðu, jafnvel sjónvarpsþætti þar sem farið er yfir málin af hlutlausum aðilum og sýnt fram á hvað mun geri sig vel fyrir atvinnulífið - jafnvel mismunandi greinar, fyrir heimilin og svo framvegis. Finnst það algjörlega vanta held að þegar það gerist þá verði umræðan skemmtilegri og markvissari og fólk fari að spá í þetta meira út frá sjálfum sér.

[Ingibjörg Guðrún Magnúsdóttir, 19.8.2012 kl. 17:29]

Já það væri gott að fá sjónvarpsþátt um það hvernig núverandi Ríkisstjórn Íslands er búinn að grafa undan eigin gjaldmiðli til þess eins að geta sagt hversu glataður hann sé...

Það þarf að koma önnur hagstjórn hérna það er á hreinu, hagstjórn þar sem hagur fólksins hérna á Íslandi er í fyrirrúmi og hlutirnir að snúast um en ekki eitthvað fjármálaafl út í heimi sem virðist vera svo gráðugt í peningaröflun sinni að það bullar bara til að ná sínu fram...

Gjaldmiðill er ekki sjálfstæður með eigin hugsun og vilja það skulum við hafa á hreinu hérna og eins að það eru alltaf einstaklingar á bak við sem stjórna svoleiðis að þetta er miklu meira dæmi en að skipta um miðil...

[Sleggjan og Hvellurinn, 19.8.2012 kl. 19:14]

sammála þessu

ísland þarf stöðugan gjaldmiðil sem er EKKi í höftum

[Jón Óskar (IP-tala skráð) 20.8.2012 kl. 11:59]

Íslendingar vilja ekki ganga inn í ESB og Ísland er ekki að fara að taka upp evru vegna þess að Íslendingar vilja ekki ganga inn í ESB.  VG stýrir því að umboðslaus samninganefnd er að rugla í ESB og gera þjóðina að fíflum.  Kjósendur VG kusu flokk sem vill ekki ganga í ESB.  Ábyrgð VG er mikil. 

Hér þarf að aga hagstjórn og ríkisbúskapinn allan, örva fjárfestingu og stíga upp úr þessu feni.  Þannig styrkjum við krónuna, en mynt hvers svæðis mælir og endurspeglar gjörðir þess, aga og hagsæld.  Mynt gerir ekkert fyrir einn né neinn.