Þverhausasamfélagið!

Veit ekki hvað ykkur finnst en ég held að miðað við höfðatölu þá eigi Íslenska þjóðin en eitt heimsmetið - og það alveg skuldlaust takið eftir.

Hvernig menn nenna þessum endalausa hringlanda hætti er mér óskiljanlegt. Það var ákveðið að fara í samningaviðræður og að af þeim loknum fengi þjóðin að greiða atkvæði um þann samning og þannig segja hug sinn til málsins. En allt frá því það var samþykkt hafa menn og konur barið hausnum í stein og viljað breyta hinu og þessu að berjast gegn viðræðunum og ég veit ekki hvað. Er ekki markvissara að undirbúa sig bara vel og geta svo mætt þeim samningi sem borinn verður á borð fyrir þjóðina með einhverjum gagnlegum rökum heldur en að standa úti á horni gasprandi í allar áttir þegar samningurinn er ekki einu sinni klár.  Hvað er verið að gaspra á? Getur einhver svarað því?

Ég hef ekki orðið var við mikið af málefnalegum umræðum þar sem þeir kaflar sem búið er að semja um hafi verið grýtt útaf borðinu og fyrir hákarlana af andstæðingum samningaviðræðnanna.

Ferlið á að klára. Svo sest þjóðin yfir það hvað henni finnst út frá sínum eigin forsendum - hver og einn fyrir sig - svo sjáum við hver niðurstaðan verður.  Að hætta við núna yrði náttúrulega afar sérstakt svo ekki sé meira sagt. Vissulega hafa verið hræringar innan ESB, rétt eins og hjá okkur sjálfum - skárra væri það nú.

Umræðan um ESB á villigötum

Athugasemdir

[Björn Ívar (IP-tala skráð) 5.2.2013 kl. 16:12]

Ég held að margir séu þeirrar skoðunar að það sé nokkuð ljóst, eða allvega hægt að gera sér góða grein fyrir því hvernig þessi samningur muni líta út. Er það ekki nokkuð nærri lagi hjá þeim líka?

Mér hefur alltaf fundist þessi rök með að bíða eftir samningnum svolítið kjánaleg. Þegar allt kemur til alls þá snýst þetta um hvernig þú villt haga efnahagsmálunum hér á landi. Villtu nýjan gjaldmiðil og svo frv.

Annars er ég sammála því að við eigum ekki að hætta "viðræðunum". Aðallega þó til að koma ró á samfélagið. Það verður aldrei friður nema við fáum atkvæðagreiðslu um einhvern "samning". Eins gott að það verði þá bara ein atkvæðagreiðsla...

[Jón Óskar (IP-tala skráð) 8.2.2013 kl. 09:05]

Ég veit ekki hvaða kanínu þú heldur að ESB-dragi upp úr hattinum í þessum viðræðum.  Hverju heldur þú að þeir tefli fram í sjávarútvegs og landbúnaðarkaflanum, sem geri Íslendinga hlynnta aðild ?  ESB hefur ekki gefið neitt annað í skyn en að við verðum að gangast undir landbúnaðar og sjávarútvegsstefnu sambandsins.  Ef svo væri ekki, væru ESB-aðildarsinnar farnir að tefla fram þeim afslætti í umræðunni, sem við fengjum frá stefnunum til að afla fylgis við viðræðurnar ef þeim er þá yfirleitt trúað eftir það sem gerðist á Alþingi sumarið 2009 og ég nenni ekki að reka frekar.