...magnað alveg hreint

Get ekki að því gert að mér finnst það helvíti magnað að búið er að leiðrétta gengistryggðu láning en ekki hjá okkur með verðtryggðu lánin. Ef allt hefði verið eðlilegt hefði þetta átt að vera öfugt. ....en hið eðlielga gerist sjaldnast á Íslandi.

Svo þarf nú að fara að skipta út þessaðri blessuðu krónu ef hér á að vera lífvænlegt fyrir almúgann í landinu. Krónan er klárlega versti óvinur hins almenna launamanns, ja kannski fyrir utan handónýta pólitíkusa og embættismenn í sérhagsmunaleik.

 

Hætta á að greiðsluviljinn hverfi

Athugasemdir

[Sandy, 16.2.2013 kl. 13:01]

Það er ekki búið að leiðrétta gengislánin, eins og þú manst kannski þá voru settir á breytilegir vextir aftur í tímann sem líka var ólöglegt,og það er ekki búið að leiðrétta a.m.k. ekki hjá öllum.

Krónan gerir ekkert sjálf, að mínu viti þurfum við aðeins að skipta út,eins og þú segir þessum handónýtu pólitíkusum og eiginhagsmunaseggjum. Um leið og við höfum náð tökum á stjórnun peningamála hér á landi vex trú manna á krónunni bæði hér á landi og erlendis.

[Jón Óskar (IP-tala skráð) 16.2.2013 kl. 14:20]

Það er valkostur að leiðrétta lán á næstu misserum.  Ekki að skipta um gjaldmiðil.  Það þarf öfluga hagstjórn, aga í ríkisfjármálum, og greiða skuldir ríkisins á erlendri grundu.  Ekkert af þessu tengist skiptingu á gjaldmiðli, enda er hann aðeins mælitæki á það hvernig til tekst. 

[Guðmundur Ásgeirsson, 16.2.2013 kl. 21:34]

Jón Óskar. Ummæli þín bera með sér hróplegan skort á þekkkingu í peningamálum.

Segðu mér: ef gjaldmiðillinn er aðeins mælieining. Hvað mælir hún þá eiginlega?

Hvers vegna er það sem var mælt með þeirri mælieiningu í gær ekki það sama og er mælt með henni í dag?

Mér þætti gaman að sjá húsasmið reyna að vinna með tommustokk sem væri suma daga með ellefu millimetra í sentimetranum, stundum með þettán o.sfrv.

Hverskonar hús myndi sá smiður eiginlega byggja?

Gjaldmiðill er ekki mælieining, heldur bara eins og hver og önnur vara, nema munurinn er sá að þessi vara er sérframleidd af einkareknum fyrirtækjum samkvæmt sérleyfi útgefnu af ríkinu. Það kallast starfsleyfi lánastofnunar.

Þessir framleiðendur nota allir tommustokka með slíkri skekkju við sína framleiðslu.

Skiptigengisleið Lilju gengur út á að leiðrétta skekkjurnar og endurstilla mælitækið.

Allir vísindamenn vita að mælitæki þarf að endurstilla öðru hverju og stundum oft.