Allt á réttri leið

Frábært að Birgi Leifi skuli farið að ganga svona vel. Ég man fyrst eftir pilti þegar að hann var að koma fram á sjónasviðið þegar ég var stundum að draga golfkerruna fyrir Þorstein Hallgríms, á gullaldartíma Steina. Ungur hlédrægur en bráðefnilegur vann hann sig í fresmtu röð - fyrir mér er hann eftirminnilegastur sem þessi rólegi strákur sem var kurteis og kom vel fram við alla, utan golfvallar, en átti það svo oftar en ekki til að taka menn í bakaríið þegar á brautirnar var komið og fara heim með verðlaunagripina. - Megi honum halda áfram að vegna vel - fyrirmyndaríþróttarmaður

En af okkur Þorsteini má segja þetta:. Þorsteinn spilar en golf en ekki af sama krafti og áður, vegna meiðsla er hann hlaut, en hann er farin að kenna fólki golf og það gerir hann vel, eða svo heyri ég frá þeim er sótt hafa til hans í tíma.  Ég aftur á móti hef aldrei látið glepjast af golfíþróttinni og mun ekki láta glepjast, en á meðan aðrir hafa gaman af þessu sporti þá er það vel - þeir segja að öll hreyfing sé holl.

Birgir fór upp um 52 sæti á peningalistanum