Fellur West Ham við hamarshögg…

Það verður nú forvitnilegt að sjá hvað gerist  í þessu máli. Verður virkilega samstaða hjá öðrum liðum  í deildinni til að láta taka á þessu máli. – skil vel að menn séu pirraðir því búið er að dæma menn fyrir ólögleg vinnubrögð í þessu máli. EN dómurinn tók ekki af þeim stig heldur sektaði bara myndarlega, og vel það. Verður gaman að sjá hvað menn ákveða að gera. 

Tevez hefur staðið sig frábærlega síðustu misseri eftir að hafa átt í svolitlum aðlögunarerfiðleikum til að byrja með – hæfileikaríkur leikmaður þar á ferð og ég væri alveg til í að sjá hann og Zamora frammi næsta haust, já já og svo eiga West Ham menn hinn frábæra Dean Ashton en hann hefur náttúrulega ekkert spilað í allan vetur vegan meiðsla – frábær leikmaður þar á ferð, þegar hann er heill.

Vona fyrir hönd vina minna hér í Eyjum að West Ham haldi sæti sínu, og það verður gaman að fylgjast með hvernig gengur hjá Eggerti og Co. á heilu tímabili án þessara vandræða sem fylgt hafa kaupunum.

West Ham ekki sloppið?