Hikst á fyrstu hindrun

Þetta var erfið fæðing í gær og stendur í raun enn yfir þar sem ekki náðum við að landa sigri gegn Þórsurum frá Akureyri. Vorum lélegir í fyrri hálfleik, mjög daprir, en vöknuðum til lífsins í þeim síðari og vorum þá mun betri en það er til lítils að vera betri ef að færin nýtast ekki, þó nokkur dauðafæri sem menn nýttu ekki en Þórsarar áttu ef að ég man rétt aðeins 2 skota á markið hjá okkur í seinni hálfleik. Þetta verður erfitt sumar hef trú á að allir útileikirnir verða barátta svipuð og í Braveheart þ.e.a.s. upp á líf og dauða – það verður engin miskun – Gæti orðið gaman að fara á einhvern af útileikjunum.Hef trú á að deildin verði æsispennandi og sterkur heimavöllur mun væntanlega koma lið upp í Landsbankadeild. Góður sigur Fjarðarbyggðar eru ákveðin skilaboð að austan – menn fara ekki þaðan með stig nema að leggja sig 120% fram, þá meina ég stig ekki endilega sigur. Þetta verður hugsa ég spennandi sumar þar sem “óvænt” úrslit munu reglulega líta dagsins ljós, þetta verður ekki allt samkvæmt bókinni.

Þróttur lá fyrir austan