Magnað einvígi - 2 bestu liðin!

Baráttan heldur áfram 2-2 og athyglisvert að bæði lið eru búin að vinna leik á útivelli, en ég er samt þeirrar skoðunar að það lið sem vinnur næsta leik tekur einvígið - þannig að ég vona að mínir menn í Suns komi einbeittir til leiks og klári leikinn.

Nash var með 15 stoðsendingar, 24 stig, hitti úr 8 af 12 skotum. 2 af stoðsendingum Nash komu á lokamínútunni á Amare Stoudemire sem skoraði 26 stig og tók 9 fráköst. Báðar þessar stoðsendingar hjá Nash voru aftur fyrir bak stoðsendingar, alveg magnaðar, sjá á NBA.com. Fimm leikmenn Suns fór í 2 stigi tölu í skorun. Frakkinn Tony Parker var með 23 hjá Spurs og Tim Duncan var með 21 stig.

Næsti slagur er á miðvikudag - leikur upp á líf og dauða segi ég.

 

NBA: Cleveland nálgast úrslitaviðureign Austurdeildar

Athugasemdir

[Ólafur Guðmundsson, 15.5.2007 kl. 15:15]

Jahh, við stuðningsmenn Utah Jazz erum ekki alveg á sama máli að San Antonio sé erfiðasta hindrunin fyrir Phoenix að fara alla leið. Vissulega erum við ekki búnir að vinna Golden State, en staðan er þónokkuð vænleg. 3-1 og fimmti leikurinn í nótt í Salt Lake City. Ef við vinnum þann leik, þá vona ég svo sannarlega að Phoenix Suns vinni San Antonio. Við höfum haft betri tak á Phoenix heldur en San Antonio. Eitt er víst að Phoenix hlaupa ekkert yfir Utah. Allavega hafa Golden State ekki gert það.