Tipplað á tánum

Fosterinn - var, er og mun verða - Hausmynd

15.5.2007 | 15:36

Gaman þegar fólk sem er meira en landsþekkt, kemur til Eyja og segist vera að skoða æskustöðvarnar. Þó svo að gríðarlegar breytingar hafi átt sér stað síðan Helgi ólst hér upp. Að frægasti Íslendingurinn á sínu sviði skuli tengjast Eyjum er náttúrulega bara gaman, fyrir okkur sem alltaf viljum reyna að eigna okkur svona fólk. Þó svo að þetta fólk með forseta vorn í broddi fylkingar hafi farið víða, þá hafa þessar elsku nú ekki kíkt við hérna í prentsmiðjunni hjá mér þó svo að þær hefðu svo sannarlga verið velkomnar hér, getað þegið eins og einn tebolla og átt gott spjall við okkur þremenningana.

Tyrkjaránssýningin á að opna á eftir skilst mér og verður svo opin eitthvað fram eftir sumri út þennan mánuð um helgar aðeins en svo daglega í júní og eitthvað fram í júlí. Alltaf eitthvað að sjá í Eyjum. Pomepi norðursins er verkefni sem vert er að gefa gaum, þó svo að mér finnist að það megi ganga hraðar að grafa upp þarna. Svo eru hér stórhuga menn, já þeir finnast en í Eyjum, sem vilja leggja í vinnu með það sem við köllum Dalabúið og gera þar svona Tyrkjasetur held ég að við getum kallað það, svona safn til minningar um Tyrkjaránið með sýningum, veitingaaðstöðu og jafnvel óvissuferðum. Skemmtilegar hugmyndir sem vonandi verða að veruleika.