Frábært framtak

Svona viðbjóð á að fjarlægja - ég veit að maður getur alltaf sagt: Hva þú þarft ekkert að fara þarna inn frekar en þú villt, það sama á við um bloggið mitt - en fólk fer þarna samt og það sem verra er þarna slæðast kannski börn og unglingar, já og skaddaðir einstaklingar, sem ekki mega við því að sjá svona.

Þó svo að ég sé allur af vilja gerður til þess að hafa netið sem opnast og skemmtilegast þá er sumt sem á ekki að bjóða upp á, bara hreinlega ekki, Nauðgun er eitthvað sem flokkast undir það sem á ekki að bjóða upp á - Nauðgun er viðbjóðslegur glæpur og er eitt það versta sem að hægt er að gera nokkurri personu - burt með svona óbjóð -    Ég er virkilega ánægður með að menn skuli hafa brugðist við þarna

Nauðgunarleikur fjarlægður af íslenskri vefsíðu

Athugasemdir

[Ingólfur Þór Guðmundsson, 26.5.2007 kl. 10:52]

Málið er auðvitað það að menn geta fundið allt sem þeir vilja á netinu.... EF ÞEIR LEITA !

Sama hvaða brenglun menn hafa, þá geta þeir fundið videó þar sem fólk er drepið, konum er nauðgað og börn misnotuð. En allt snýst þetta um að menn hafi einbeittan vilja til að finna það sem þeir óska eftir. Þetta efni er ekki eitthvað sem fólk bara rekst á á einhverju blogsíðu vafri.

Það eru auðvitað allir sem fordæma þessa glæpi, en spurningin er hvort hægt sé að fækka þeim með því að setja upp netlögreglu og einhverja tóma þvælu....

Halda menn það kannski að ef við myndum slökkva á internetinu, að þá myndu morð, nauðganir og misnotkun á börnum bara stoppa í heiminum.

Það er ekki internetið sem veldur þessi, því þessir hlutir hafa verið í gangi töluvert lengur en netið !

[Þarfagreinir, 26.5.2007 kl. 16:02]

Lágmarksaldur til að fá aðgang að torrent.is er 15 ár. Það verður ekki sagt nógu oft ... því var enginn á þeim aldri sem gat rekist á þennan leik þar ... og miðað við þann aragrúa efnis sem er að finna þarna hefði þurft að leita til að finna hann. Og nota bene þá er hægt að velja um efnisflokka þegar leitað er, og þá með því t.d. hægt að útiloka allt efni sem er bannað börnum.

Ekkert að því að fjarlægja leikinn, en það er mikill misskilningur að vera hans á torrent.is hafi verið líkleg til að viðkvæmar sálir hefðu rekist á hann óforvandis. 

[Þarfagreinir, 26.5.2007 kl. 16:03]

'enginn á þeim aldri' átti þarna að vera 'enginn undir þeim aldri'

[Guðrún (IP-tala skráð) 26.5.2007 kl. 19:47]

Og er 15 ára aldurstakmark eitthvað rosalega hátt? Það var engin vörn á þessari síðu sem kom í veg fyrir að 15 ára guttar væru að downloada þessu leik sem er auðvitað hræðilegt. Hvað hafa svona ung börn með þennan leik að gera? Eru 15 ára drengir ekki viðkvæmar sálir?