Einhverju sinni voru Eyjamenn þekktir fyrir samstöðu

Hvað gerist nú? Trúi nú ekki að fólk hlaupi upp til handa og fóta og gangist við tilboði Stillu bræðra og sjá í svo jafnvel á eftir einhverju af vinnunni sinni úr bænum? Hvernig hafa þeir hagað sér fyrir norðan? Er ekki eilífur kurr þarna.

Er að hlusta á Hróbjart, eða eitthvað svoleiðis,  á RÚV núna ekki mikil sannfæring þarna - fannst hann ekki sannfærandi - finnst þetta tilboð sýna að vissu leyti hroka og yfirgang. 

Ég á bréf í Vinnsló, sem og mitt fólk, þó ekki sé það há upphæð þá eru þau bréf ekki föl fyrir þá bræður svo mikið er víst. Veit ekki hvað aðrir gera en hef það á tilfinningunni að fólk vilji vera með mér í liði, enda ég skemmtilegur,  og vernda mitt byggðarlag - segjum NEI TAKK við tilboði Stillu

Lifi Eyjar - helst af öllu frjálsar Eyjar

Ólíklegt að aðilar í Eyjamönnum ehf. taki tilboði í Vinnslustöðvarbréf

Athugasemdir

[Valur Stefáns. (IP-tala skráð) 31.5.2007 kl. 12:36]

Gísli ég er þér hjartanlega sammála.  Það væri grátlegt að horfa á eftir fyrirtækinu sem pabbi og afi heitinn lögðu upp hjá öll árin sem þeir voru í útgerð fara til þessara bræðra.  Vinnslustöðin á að vera í eigu heimamanna og trúi ég ekki öðru en að það verði í framtíðinni.

Valur

[Fannar frá Rifi, 31.5.2007 kl. 13:14]

"Lifi Eyjar - helst af öllu frjálsar Eyjar" og kasta öllu utanbæjarpakki í sjóinn. En ertu ekkert hræddur við að fyrirtækið verði tekið af markaði og komist þannig í hendur örfárra manna sem munu síðan selja það úr bænum? 

Allur kvótinn sem skiptir um hendur og fer frá einum stað til annars er vegna þess að heimamaðurinn seldi sinn kvóta.  

[Hrafnkell (IP-tala skráð) 31.5.2007 kl. 13:17]

Ég geri ráð fyrir því að hinir gömlu eigendur, og fyrirtækið í heild, hafi hagnast á því að setja það á markað. Það er því harla skrítið að agnúast út í það að markaðslögmálin gildi og boðið sé í fyrirtækið, þegar fyrirtækið er á annað borð komið á markað. Ekki satt?

[Gísli Foster Hjartarson, 31.5.2007 kl. 13:22]

Nei það er nú málið að ég hræðist ekki Eyjamenn ehf.  En þá bræður, skilst að annar sé kallaður Guðmundur vinalausi, afverju veit ég ekki, hræðist ég. Hef einhvern vegin ekki sterka tilfinningu fyrir þeim bræðrum.

[Fannar frá Rifi, 31.5.2007 kl. 13:45]

Ætli það sé ekki útaf því að þeir eru ekki innfæddir heimamenn og fóru í leikskóla með þér.

[steini (IP-tala skráð) 31.5.2007 kl. 15:08]

Það sem Fannar skilur ekki að er að eyjarnar eru samfélag manna sem hafa áhuga á að láta það blómstra, skapa atvinnu ofl. og hafa hag eyjanna sem mestann á meðan Guðmundur hinn vinalausi er maður sem hefur mestann áhuga á að láta peningana sína blómstra, allt annað má víkja til hliðar, þar liggur munurinn á þessum 2 fylkingum sem nú kljást um vinnslustöðina. Þetta skilur bara ekki maður eins og Fannar, sem líklega er alinn upp í peningum hins vinalausa og þekkir því ekki lífskjarabaráttuna og baráttu fólks fyrir sinni heimabyggð. Það eru annars margir góðir aðkomumenn og konur í eyjum og gott fólk , aðkomumenn sem eyjamenn, sem hafa hag eyjanna fyrir brjósti eru alltaf meira en velkomnir til eyja en þeir sem eru vinalausir og hafa áhuga á því að vera það áfram mega halda sig fjarri.

[magnus (IP-tala skráð) 31.5.2007 kl. 17:24]

Vandamálið í þessu er að Eyjamenn bjóða bara of lágt verð.  Þeir ætla að nýta sér tækifæri á markaðnum til að kaupa bréfin, á meðan þau eru enn þá tiltölulega lágt verðlögð.  Binni segir sjálfur í blöðunum í dag að greiningadeildirnar hefðu verið að meta félagið á milli 4,5-5 og það er venjan þegar kaupa á félag af markaði að greitt sé yfirverð, stundum allt upp í 30% yfirverð.  Það liggur því ljóst fyrir að menn hafa ekki ætlað að gefa of mikið fyrir bréfin, og reyna að ná þeim fyrir náð og miskunn.  Ef Eyjamenn hefðu boðið 5,5 þá hefðu þeir sennilega farið langt með að landa þessu, því þá hefði hinn almenni hluthafi séð eitthvað í þessu, en ekki bara að vera búinn að liggja með peninga í félagi sem hefur nánast ekkert hækkað sl. 4,5 ár.  Félagið sló í 4 í lok september 2002 svo ekki er hægt að segja að það sé búin að vera nein gríðargóð ávöxtun á peningum fólks sem örugglega flest fjárfesti fyrir 5-7 árum síðan.  Svo ég held að þetta hafi verið taktísk mistök, tilboð Eyjamanna ehf í félagið.

[Ragna B (IP-tala skráð) 31.5.2007 kl. 18:56]

Við látum ekki Rifsbræður efna til rifsrildis útaf rifrildishlutabréfum í Vinnslustöðinni.Það er samt skrýtið að topparnir í Vinnslustöðinni styðja allir þessa stefnu að þeir ríkari skulu verða ríkari og hinir fátækari.Er þetta ekki kapitalisminn í hnotskurn,af hverju er þetta þá eitthvað óeðlilegt? Finnst að þessir vinalausu bræður skoði myndina Pretty Women.Það er margt líkt með þeim og forríka kaupsýslumanninum sem átti engan vin nema Hóruna sem auðvitað fékk peninga fyrir gleðina.