Staða Teits óbreytt - Staða KR versnar!

Hreint ótrúlegt  hvað allt gengur á afturfótunum hjá KR þessa dagana. Þetta er reyndar orðið þannig að manni finnst ekki allt ganga á afturfótunum heldur finnst manni þetta bara lélegt, það á einfaldlega ekki að þekkjast að lið með allan þennan mannskap, þar sem peningum er mokað upp í bílförmum í hendurnar á þeim skuli ekki hafa unnið leik í 7 leikjum í röð í deildinni - þetta er ótrúlegt. Ég hef nú svo sem enga trú á að þeir falli - held að þeir hljóti að rétta úr kútnum, veit samt ekki hvort ég myndi væta hjá mér koddann ef að svo færi að þeir féllu, það verður kannski þeirra happ að það fellur bara eitt lið þetta árið?

Á meðan stuðningsmenn annarra liða brosa út í annað, ætti kannski að segja bæði, yfir gengi KR-inga þá hljóta þeir í Frostaskjólinu  núna að leita allra leiða til að leysa sín mál. Það er spurning hvort að dýrasti þjálfari landsins og sennilegast dýrasta lið landsins líka eigi ekki að leita í gagnabanka sálfræðingsins og Eyjamannsins Einars Gylfa Jónssonar, sem reynst hefur þeim vel - því fátt af því sem aðrir hafa komið með virðist vera að virka.

spá mín er fundur með Einari Gylfa og svo KR - Fram 2-0

Teitur: Mín staða óbreytt

Athugasemdir

[Traviz (IP-tala skráð) 21.6.2007 kl. 08:41]

Það er ekkert sem bendir til þess að KR vinni leik, ekki langt síðan að þjálfarar nokkura liða í úrvalsdeild voru spurðin knattspyrnuspurninga í DV.  Þar kom nú í ljós að Teitur vissi álíka mikið um það sem gerist í ensku deildinni og sex ára stúlka í Ísaksskóla ! Gárungar tala um að eina leiðin til þess að stoppa FH sé að frá Teit til þess að þjálfa þá

[Gísli Foster Hjartarson, 21.6.2007 kl. 09:53]

he he he - snilldarkomment

[Hafsteinn Gunnarsson (IP-tala skráð) 21.6.2007 kl. 14:59]

Reyndar er þetta nú stolið því það var talað um það sama í Noregi þegar Rosenborg var með sem mesta yfirburði þar.  Þá töluðu þeir um að eina leiðin til að stoppa þá væri að ráð Teit sem þjálfara hjá þeim.