Þetta er deildin!

Hérna verður fjörið - það er ekki einu sinnifjör í Landsbanakadeildinni því FH-ingar eru langefstir og eins og staðan er núna þá er KR-ingar langneðstir, þannig að spennan er um hverjir ná öðrusætinu.

Hef þá trú en að fyrsta deildin verði spennandi fram í lokaleikina bæði á toppi og botni deildarinnar. Tel að mínir menn hafi gert góða ferð til Ólafsvíkur í gær, skilst að við höfum ekki spilað vel og í raun á vissan hátt stolið sigrinum, öðruvísi mér áður brá ÍBV að stela sigri á útivelli - jæja gott ef það er farið að gerast. Hugsa sér líka að ÍBV liðið fór upp á land á fimmtudag og er fyrst að koma heima aftur í dag á laugardag, það er mikið á sig lagt fyrir einn leik. Já og að Yngvi Magnús skyldi skora er náttúrulega bara frábært, fyrsta markið af 4 í sumar komið í höfn. - Áfram ÍBV

Grindjánarnir sterkir verður gaman þegar að við mætum þeim. Þróttarar verða þarna upp sem og lærisveinar gamla skírisskógarpiltsins Þorvaldar Örlygssonar, Fjarðarbyggð. Hugsið ykkur ánægjuna sem yrði á höfuðborgarsvæðinu ef að Grindavík, Fjarðarbyggð og ÍBV kæmu upp í Úrvalsdeild og þessi lið þyrftu að fara að ferðast á þessa staði - það held ég að yrði kátína á svæðinu.

Stjörnumenn snöggir að rétta úr kútnum - ekki er ég hissa á því besta fótboltaliðið sem komið hefur hngað í sumar, efnilegir strákar þar á ferð og greinilegt að ef Stjörnumenn  halda rétt á spilunum þá verða þeir bráðum aftur í efstu deild.

Albert Sævarsson hefur sett stefnuna á markakóngstitilinn - allavega vítaskyttu ársins - gaman að þessu á meðan hann gerir þetta ekki gegn ÍBV, komin tími á að Njarðvík næði úrslitum búnir að eiga ágæta leiki en ekki náð að klára - verður gaman að sjá til þeirra hérna í Eyjum næstkomandi föstudag.

Ætla ekki að fjalla meira um þessa deild að sinni, þó svo að af nógu sé að taka.

Albert markvörður skoraði tvö