hnútur? ...nei held ekki

FH-ingar hafa leigt frá sér menn í gegnum árin og í samningunum er þessar forsendur að menn megi ekki spila gegn FH ef liðin mætast. Við því er kannski lítið að segja, félagið sem leigir leikmanninn veit af þessu og samþykkir þetta. Svo er annað mál til hvers ertu að hræðast það að mæta leikmanni sem að stjórn og þjálfari telja einfaldlega ekki nógu góðan til þess að spila fyrir sitt eigið lið og því er honum leyft að spila annarsstaðar.  - þetta er eitthvað sem á eftir að skýrast og ég þykist þess fullviss að ef FH-ingar verða Íslandsmeistarar þá fá strákarnir að spila Úrslitaleikinn, annars ekki - þannig að við skulum sjá hvaða endi Landsbankadeildin fær.

En ég held líka að þetta færi okkur nær því að KSÍ þarf að fara að koma með reglur um lánsmenn í deildunum. Þá á ég við hvað má vera með marga leikmenn á leigu hverju sinni, og hvað er hámarkið fyrir hvert tímabil. - vill nú ekki fara að ræða að eitthvert lið megi ekki lána frá sér fleiri leikmenn en X-tölu, tel það ekki rétt.  

Held reyndar að fjölgun liða í Landsbankadeildinni gæti aðeins breytt hugsunarhætti leikmanna og sum lið verði ekki með svona stóra hópa af leikmönnum og að leikmenn færi sig í þau lið þar sem þeir fá frekar að spila og bæta sig sem leikmenn heldur en að hanga við fá verkefni, nema auðvitað að sögurnar um háu launin séu á rökum reistar og mönnum sé einfaldlega sama um eigin knattspyrnuhæfileika á meðan það kemur reglulega góð summa í budduna

„Mega ekki spila"