Valsmenn rausnarlegir

Mér þykir síðast tilboð Valsmanna mjög gott, held að menn ættu bara að kyngja því og semja, kannski með þeim bónus að menn fá % af sölu erlendis ef leikmaðurinn verður seldur þangað á þeim tíma sem hann er samningsbundinn Val.  - Ótrúlegt að þurfa að fara þessa leið í svona máli, alveg með ólíkindum hreint út sagt.  Ég skil leikmanninn vel að vilja skipta um lið ef að þetta er viðhorfið sem Framarar sýna í daglegu amstri og málið er að sá eini sem virkilega skaðast héðan af er elikmaðurinn, trúi því ekki að Framarar leggi ofuráherslu á að halda óánægðum leikmann, tala nú ekki um þegar að hann er með svona viðauka í samningi sínum við Félagið, þá ber félaginu skylda að vera heiðarlegt gagnvart leikmanni. 

Annað væri ef að fleiri lið væri að bjóða í leikmanninn og menn hefðu val um tilboð og einhver væri að bjóða hærri upphæð en valur en svo er náttúrulega ekki í þessu tilfelli þar sem að strákurinn var að nýta sér ákvæði í samningnum - hvað það ákvæði var að gera þar veit ég ekki en finnst það mjög sérstakt ákvæði, skil ekki hvernig mönnum dettur íhug að setja svona ákvæði í samning.

Valsmenn leita til héraðsdóms

Athugasemdir

[Árni (IP-tala skráð) 6.9.2007 kl. 10:32]

Valsmenn rausnarlegir , það var þá. Staðreyndin er sú að Valsmenn hafa ítrekað rætt við samningsbundna leikmenn Fram og reynt að fá þá yfir og beita þeir ávalt þeirri aðferð að láta Geir Sveinsson hringja fyrst í leikmennina og grilla í þeim. Geir er ekki í stjórn handknattleiksdeildar Vals og er þar af leiðandi kanski ekki að gera neitt ólöglegt þótt það sé siðlaust. Síðan í kjölfarið hefur stjórnarmaður samband við þá  og jafnvel semja við þá eins og í tilfelli Sigfúsar. Eðlilegra væri að Fram kærði handknattleiksdeild Vals fyrir að hafa samband við samningsbundna leikmenn sína áður en þeir ræða við félagið og eins fyrir að gera opinber ákvæði í viðaukasamningi Sigfúsar sem einnig er ólöglegt. Og hvað er svo eðlilegt kaupverð fyrir liðlega tvítugan lykilleikmann í toppliði sem var í landsliðshópi sl. vetur. Hvernig getur einhver hlutlaus matsmaður ákveðið það og eiga Framarar bara að kyngja þeirri niðurstöðu. Minni á að Man U komst upp með að selja ekki Gabriel Heinse til keppinauta sinna í Liverpool. Vonandi komast Framarar einnig upp með það sama enda hljóta þeir að hafa eitthvað um það að segja hvert þeirra samningsbundnu leikmenn eru seldir.   

[Óðinn Þórisson, 6.9.2007 kl. 19:28]

Þetta er að verða leiðinlegt og erfitt mál fyrir framara.