Eru þetta réttu viðbrögðin?

Var ekki Veigar Páll að tala um að hann væri hundsvekktur yfir því að fá ekki tækifæri með landsliðinu?  Veit ekki hvort það er leikmönnum til framdráttar þegar að þeir láta svona. Alveg er ég viss um að í einhver skipti hefur þjálfarinn haft hann áfram inn á þó svo að hann væri ekki að spila vel og þá í þeirri trú að hann myndi kannski klína inn eins og einu marki. Þjálfarinn hafði ekki þá trú greinilega í þetta skiptið og tók hann því útaf - hans ákvörðun - viðbrögð leikmannsins, ef að þetta er rétt, að hann hafi yfirgefið leikvanginn áður en leik lauk eru vanvirðing við alla aðra er að liðinu koma svo einfallt er það í mínum huga.  Hvernig ætli Eyjólfur Sverris líti á svona framkomu?

Veigar ósáttur við ákvörðun þjálfarans

Athugasemdir

[Haukur Nikulásson, 1.10.2007 kl. 10:30]

Gísli, knattspyrna er ekki í flokki með nákvæmum vísindum. Menn geta verið lélegir hluta leiks og dottið í stuð þegar minnst varir. Veigar er búinn að vera meðal markahæstu manna, hann er með þriðju hæstu meðaleinkunn leikmanna Stabæk og langefstur norsku deildinni  í samanlögðum mörkum og stoðsendingum. Stundum er sagt að góðir sóknarmenn sjáist ekki fyrr en þeir dúkka upp til að skora. Veigar hefur sýnt að hann getur gert það.

Það er eðlilegt að maður með svona keppnisskap sé fúll, hvað þá í stöðunni 0-2 og þá er eðlilegra að taka áhættu með því að bæta frekar í sóknarleikinn þegar engu frekar er að tapa.

Í mínum huga hefur þetta engan eftirmála. Bæði Veigar og þjálfarinn vita að menn geta dottið úr og í stuð þegar minnst varir. Þjálfarinn gerir frekar mistök þarna heldur en leikmaðurinn. Skylda þjálfarans er að viðhalda sjálfstrausti leikmannsins en ekki að refsa honum þegar illa gengur í smátíma.

Mér finnst reyndar allt of algengt að þjálfarar kunni ekki að umgangast fjölbreytta keppnismenn og þeir sem kunna á duttlungafullar drottningar eru þeir sem ná alltaf bestu árangri.

[Gísli Foster Hjartarson, 1.10.2007 kl. 13:14]

Fótboltinn nýtur þeirra kosta að vera einföld íþrótt sem allir geta haft skoðun á, og einfalldir þættir leiksins geta orðið að hitamálum. Ég er alls ekki viss um að þjálfari Stabæk refsi Veigari en hann gæti gert það sem fordæmis gefandi ákvörðun, til merkis um það að menn standa í þessu saman.

EN Veigar hefur verið góður ísumar og allt það klapp skilið en honumgeta verið mislagðir fætur eins og hverjum einum, ekki víst að menn sjái það alltaf sjálfir, en þarna fannst þjálfaranum Veigar ekki vera í gírnum og brá á það ráð að kippa karli útaf, við því er lítið að segja þjálfarinn ræður. En þótt menn séu með keppnisskap þá má það ekki leiða menn af réttri braut - Veigar mun skora í næsta leik og fyrir Ísland í haust!