Kraftur í grasrótinni!

já og hugur.  - Þannig að nú er bara að bíða eftir að stóru feitu karlarnir í forstjórastólunum komi og stígi á puttana á verkafólkinu, svona þegar þeir eru á leiðinni að kanna hvað þeir hafa  borið úr bítum í dag á verðbréfamarkaðnum. Ef að fólkið verður með læti þá verða bara uppsagnir og svo hóað í Pólverja og á þeim svínað - þessar sögur síðustu misserin eru náttúrulega ótrúlegar og að við sem teljum okkur vera siðmenntaða og vandaða þjóð skulum koma svona fram við erlent vinnuafl er með ólíkindum, alveg með ólíkindum. Græðgin er greinilega að fara með mikið af þessu liði á haugana, verður gaman að sjá hvað gerist næstu misseri tala nú ekki um ef að það fer að syrta aðeins í álinn.   Mér finnst alltaf gaman að heyra frá Villi vasaklút, orginal vasaklútnum, enda er hann framkvæmdastjóri samtaka atvinnulífsins þar sem að fyrirtækið manns er nú meðlimur.

Það er hugur í Húsvíkingum og þaðan hafa nú oft ef að mig misminnir ekki komið fyrstu tölur um hvað skuli stefnt á. 

Ég mun áfram reyna að stýra prentsmiðjunni í ákveðnum farvegi og sjá hvort við höldum ekki sjó eins og áður sama á hverju dynur á vinnumarkaðnum.

„Hugur í Húsvíkingum“

Athugasemdir

[RagnaB (IP-tala skráð) 12.10.2007 kl. 12:21]

Það er frábært að heimsækja ykkur starfsfólkið í prentsmiðjuna.Yfirborðsleikurinn er ekki hafður þar á borðum.Held að þeir sem reka fyritæki í dag séu margir alltof uppteknir af því hvernig skrifborðshúsgögnin,,lýsingin,tölvusortin,merkjaförin funkera frekar en hvernig fyrirtækið plummar sig.Lengi lifi Prentsmiðjan Eyrún.