Brekkusöngurinn 2008

Aldrei tek ég þátt í Brekkusöngnum í Herjólfsdal og hef reyndar oft sagt að ef að það þarf að reka út úr partýi eða tæma samkomusali þá sé ég maðurinn sem á að taka lagið. Ég hef ómælt dálæti á tónlist sem slíkri, eins og margir vita en það ekkert = á milli þessa að hafa dálæti á tónlist og að geta sungið.
Ég hef hins vegar ekkert á móti því að aðrir þenji raddböndin og það til hins ýtrasta, tala nú ekki um ef að hljómurinn er þokkalegur. Á Þjóðhátíðinni í ár sá ég um sunnudagsinnrukkun fyrir knattspyrnudeildina og missti því af öllu er fram fór í Dalnum þennan dag og fram yfir miðnætti. Svo eins og gengur og gerist fór ég inn í dal eftir að mínu starfi lauk og strax þá heyrði ég í fólki að það var ekki ánægt með Brekkusönginn þarna fyrr um kvöldið. Ég var nú svo sem ekkert að æsa mig yfir þessu og skemmti mér bara konunglega að vanda. En það að ég velti þessu upp núna er að en er langt til Þjóðhátíðar og núna síðast á föstudaginn sagði ein persóna við mig að það hefði verið nánast aumkunarvert fyrir Árna Johnsen að stíga á stokk á eftir Bubba Morthens, ég sá þetta í fyrra og get alveg vitnað um að samanburðurinn er þingmanninum ekki í hag, enda við atvinnumann að etja og ekki raunhæft að miða við það. En það var annað sem stakk mig og það var að þessi persóna sagði að lögin mörg hver sem Árni væri að spila höfðuðu bara engan veginn til mikils hluta af þeim hópi er situr í brekkunni núorðið og því minnkaði stemmningin frá ári til árs, það veldur mér í raun meiri áhyggjum en að einhver spili á eftir Bubba.
Ég er nú ekki kannski alveg dómbær á þetta, ekki mitt aðal Þjóðhátíðaráhugamál brekkusöngurinn. En hvað finnst öðrum? Er komin tími á að Árni kveðji brekkusönginn?...eða á bara að biðja hann að hressa upp á lagavalið og færa það nær nútímanum? Fyrir mér snýst þetta alls ekki um persónu Árna Johnsen, hann er í raun sá sem hefur gert brekkusönginn að morgu leyti að því sem hann er í dag, reyndar með þátttöku hátíðargesta hverju sinni það gæti ekki nefnilega ekki kallast brekkusöngur ef sá eini sem syngur stendur á jafnsléttu! …og spilar á gítar.
Ef að fólk vill skipta, hvern vill það þá sjá taka við þessu?  Skoðanir vel þegnar svo er kannski hægt að setja upp skoðanakönnun eftir smá umræður, en bara svona til gamans.

Myndin að neðan er af VKB bræðrum í góðum gír á Þjóðhátíð. en við Árni erum báðir heiðursfélagar í þeim frábæra félagsskap. Já og rétt er að benda fólki að byrja strax að huga að næsta sumri því þá mun fara fram mikil afmælishátíð hjá Vinum Ketils Bónda (VKB)

Athugasemdir

[Ragnheiður Ástvaldsdóttir (IP-tala skráð) 28.10.2007 kl. 18:07]

Ef Árni hættir þá er sá fyrsti sem mér dettur í hug til að taka við af honum, Sæþór Vídó! Auðvitað eru fleiri sem til greina koma, ekki vantar það.

Endilega settu upp skoðanakönnun, gæti orðið fróðlegt að sjá hver útkoman yrði.

[Gísli Foster Hjartarson, 28.10.2007 kl. 19:11]

Já set inn skoðanakönnun, langaði bara að fá tilnefningar svona til að sjá hvort ég fæ ekki fleiri nöfn en þau sem ég er með til að velja úr.

[Vinir Ketils bónda, áhugamannafélag, 29.10.2007 kl. 08:56]

Mikið skelfilega eru þetta ófríðir menn á neðri myndinni þarna.

[Siggi Vídó, 29.10.2007 kl. 22:56]

Sælir

Sæþór bróðir færi nú létt með brekkusönginn en önnur nöfn sem maður heyrir nefnd eru Jarl, Róbert og Obbi. Hafðu svo líka með í gamni Árni J, Bubbi og Hreimur. Það verður gaman að fylgjast með hvernig kosningin fer.