Jólin framundan!!!

Það er greinilegt, þ.e.a.s. ef að þessi upptalning er rétt, að jólin eru framundan hjá þeim sem elska að fara á tónleika. Þarna eru nú nokkur nöfn sem að maður glaður myndi vilja sjá, svo sannarlega. Nú er bara að bíða og sjá hvað er að marka þessa upptalningu. Svo eru nú nöfn sem að manni finnst vanta þarna en kannski eru aðrir að vinna í því. Verður líka gaman að sjá hvernig menn koma út ur skápnum með miðaverð á þá tónleika sem að menn ætla sér að halda, finnst menn oft hafa verið i dýrari kantinum með sumt af þessu, en kannski að það lækki aðeins þegar framboðið er orðið mikið.

Dylan og McCartney með tónleika hér?

Athugasemdir

[Björn Helgason (IP-tala skráð) 21.11.2007 kl. 10:16]

Það er nokkuð ljóst að markaðurinn hér ber ekki öll þessi nöfn. Miðaverðið er líka ekki svona til að græða, það græðir enginn á Íslandi á tónleikahaldi heldur er tap á flestum tónleikum og miðaverðið er ekki aðalmálið með hvort fólk mæti eða ekki. Það er bara þannig að hljómsveitir eru með eitthvað ákveðið viðmiðunarverð og hvernig dílað er út frá því fer dáldið eftir hversu mikið fólkið langar að koma hingað og spila. Sá aðilinn, tónleikahaldarinn eða tónlistarmaður, sem fær tilboð/áhuga frá hinum aðilanum hefur þá auðvitað dáldið "upper hand" í samningsmálum. Þetta er mikill póker.

Tónleikar sem miðast segjum við fulla Laugardalshöll, 5000-5500 manns að mig minnir, og allt reiknað til : tæknivinna, flutningar, greiðsla til listamanna, leiga á ýmsum tækjum og hlutum (barriers o.fl.) ... segjum að það kosti 5500 að meðalverði til að dekka kostnað og ef það selst upp þá er einhver smá hagnaður fyrir tónleikahaldarana. Það gefur augaleið að það er ekki hægt að hafa verðið 4000 kall nema að sponsora þetta heavy er það ? 

[Friðbjörn Ó. Valtýsson (IP-tala skráð) 21.11.2007 kl. 12:16]

Sæll Gísli. Hringnum verður ekki lokað fyrr en sir Michael Philip kemur með sína menn til tónleikahalds á Íslandi. Allt annað eru eftirlíkingar og hjóm eitt. kv. fóv

[Gísli Foster Hjartarson, 21.11.2007 kl. 14:15]

Já það er sennilega rétt að menn moka ekki inn peningum í bílförmum á innflutningi á hljómsveitum og spurning hvort það á að vera útgangspunkturinn. Ég reyndi nú sjálfur fyrir einum 8 árum að halda úti sambandi við Arthur Fogel sem þá fór fyrir U2 Elevation túrnum en það endaði bara með faxi frá Paul McGuinnes eftir  einhverjar 6 til 8 vikur um að því miður væri þetta ekki hægt að svo stöddu.  En þetta er skemmtilegur heimur og áhhugaverður og það verður gaman að sjá hverjir koma

Friðbjörn Heldurðu að Rolling Stones komi einhvern tíma til landsins? Það myndi gleðja marga svo er víst. Meira að segja ég myndi mæta með bros á vör, þó svo að ég segi ekki að það myndi loka hringnum að fá þá, til þess að það gerist þá þarf önnur nöfn, ef að ég á að hafa eitthvað með málið að segja.