Til hamingju Margrét Lára

Margrét Lára hefur náð frábærum árangri á þessu ári og svo sannarlega hlýtur hún að hafa sterka stöðu þegar talið er upp úr kassanum í kjörinu á íþróttamanni ársins. Nýtt markamet, Íslandsmeistari, góður árangur með landsliðinu, eftirsótt um víðan völl af erlendum liðum og mér finnst ekki mega gleyma hinu frábæra átaki sem að hún var í í sumar í samfloti við fotbolti.net, TM og fleiri þar sem að hún ferðaðist um landið og miðlaði af hæfileikum sínum og hvatti ungar stelpur til að æfa knattspyrnu og leggja sig fram við það - æfingin skapar meistarann - Frábært framtak þar á ferð og ég veit að það vakti mikla kátínu hjá mörgum félögum þetta framtak, þó svo að það teljist ekki beint til afreka á íþróttasviðinu. Fyrirmyndar fyrirmynd fyrir ungt íþróttafólk.

Fyrir árangur sinn og afrek á íþróttaárinu 2007, sem kjörið hlýtur að miðast við,  ætti Margrét Lára svo sannarlega skilið að vera útnefnt Íþróttamaður ársins 2007 - ég vona svo sannarlega að svo verði.

Þær bestu eftirsóttar