Ná strax í fólkið - takk

Strauja svo með það beint á næsta flugeldasölustað Björgunarsveitanna og láta þau versla fyrir áætlaðan kostnað við þessa björgun - ekki hika við þetta. Þetta lið getur þá dundað við að skjóta upp eigin björgun á gamlárskvöld og verið fyllilega sannfært um að peningunum var vel varið

11 bíða björgunar

Athugasemdir

[Atli (IP-tala skráð) 30.12.2007 kl. 10:39]

Hvaða vitleysingar eru þetta eiginlega? Fyrir lifandis löngu búið að spá óveðri. Látum þau hírast þarna yfir áramótin.

[Þorsteinn Hallgrímsson (IP-tala skráð) 30.12.2007 kl. 10:40]

Þetta er alveg rétt hjá þér en hvað er fólk að gera á Langjökli þegar það er búið að vara við þessum stormi undanfarna daga, beint með fólkið á flugeldasölu og fá það til þess að versla duglega.

[Þórður Ingi Bjarnason, 30.12.2007 kl. 10:54]

Þeir fóru upp á ´jökul í gær og þá var ágætis veður. Þetta var dagsferð hjá þeim svo það var ekkert að þessari ferðatilhögun hjá þeim.  Það getur alltaf eitthvað komið uppá sem tefur för.   Það var ekki fyrr en í nótt sem var búið að spá stormi.  Ef við jeppamenn myndum aðeins ferðast þegar spáð er góðu veðri í tvö til þrá daga í röð þá færum við aldrei á fjöll.  

[Hafsteinn Gunnarsson (IP-tala skráð) 30.12.2007 kl. 11:28]

Já ég held að það væri bara góð hugmynd hjá ykkur jeppakörlum að sleppa þessu bara það væri mikill þjóðhagslegur sparnaður fenginn með því.  Svo ættu menn að vita það að vond veður geta skollið á fyrr en spár segja til um og ferðaáætlun ætti að miðast við það. 

[Vilbogi Magnús Einarsson (IP-tala skráð) 30.12.2007 kl. 11:32]

Sammála Þórði ekkert að þessari ferðatilhögun en með þessa spá undirliggjandi þá er þetta ekki neitt sem á að koma þeim á óvart. Og eins það að þetta veður gat komið fyrr ef það var rýnt í spárnar. Þannig að vetrar ferðir eru viðsárverðar og það er alltaf dapurt að þurfa að sækja fólk sem er bara í vondu veðri og menn eiga að ferðbúast þannig að geta verið í amk eina helgi tvo til þrá daga án þess að svelta og eða verða eldsneytislausir.

[Guðlaug Birna Björnsdóttir, 30.12.2007 kl. 11:35]

Það er líklega rétt hjá þér Þórður að jeppamenn færu sjaldnar upp á fjöll ef þeir biðu alltaf eftir að það væri spáð bongó blíðu 2-3 daga í röð en mér finnst nú frekar teflt á tæpu þegar er varað við stormi daginn eftir - hvað þá um nóttina eftir áætlaða brottför. Það er nú ekki það oft að varað er við svona stormi - jú kannski búið að vera svolítið oft núna í desember, en mér finnst að þegar svona er að jeppamennirnir gætu alveg reynt að sitja aðeins á sér, þó þeir hafi ætlað sér að vera komnir heim núna. Eins og þú segir - getur alltaf eitthvað komið upp á sem tefur för.

Vona bara að það verði allt í lagi með þá þegar þeir koma til baka og að þeir geti þá verslað feitt við björgunarsveitirnar :)

[Haukur (IP-tala skráð) 30.12.2007 kl. 12:11]

Finnst jeppamönnum ekkert rökfræðilega undarlegt við:

"Það var ekki fyrr en í nótt sem var búið að spá stormi." og "Það getur alltaf eitthvað komið uppá sem tefur för" og "Þetta var dagsferð hjá þeim svo það var ekkert að þessari ferðatilhögun hjá þeim" ?

[Sólveig (IP-tala skráð) 30.12.2007 kl. 13:27]

 Gott að ná fólkinu til byggða. Enn betra að sjá það svart á hvítu, þegar fólkið fer og kaupir flugeldana hjá björgunarsveitunum, fylla jeppana af flugeldum. 16

[Guðmundur (IP-tala skráð) 30.12.2007 kl. 16:54]

Væri ekki eðlilegt að menn þyrftu að borga fyrir þetta í hlutfalli af tekjum sínum! 

[Brjánn Guðjónsson, 31.12.2007 kl. 05:23]

mér þykir aðdáunarvert að bjarga fólki úr raunverulegum háska, eins og skipsstrandi. svona sjálfsköpuð della er þó, því miður, það sem björgunarsveitirnar gera aðallega. bjarga jeppafíflum.