Hvert stefnum við?

Þetta finnst mér athyglisverð umræða. Búin að ganga í gegnum mikið af þessu með ÍBV í gegnum árin - hvar á að draga mörkin varðandi útlendinga, aðkomumenn eða heimamenn. Á árangurinn að sitja í forgrunni? Hvað á að leggja undir? Á að leggja mikla áherslu á unglingastarf ef að svo þegar í meistaraflokkana er komið er bara verið í því á fullu að kaupa leikmenn, sjáið t.d. hvernig þetta er í fótboltanum. Eru margir ungir uppaldir Valsmenn að koma í gegn hjá Íslandsmeisturunum t.d.? Hver er staðan hjá ÍBV, KR, Fylki Fram og öllum þessum liðum? Er þetta ekki orðið þannig að allar kröfurnar eru á árangur sama hvað það kostar? EN það má heldur ekki horfa framhjá því að það er erfitt fyrir sum lið að fá leikmenn til sín. Ekki höfum við í Eyjum átt auðvelt með það síðustu ár. Ástæðurnar eru eflaust nokkrar t.d. erum við úti á landi, getum ekki boðið sömu laun og liðin í Reykjavík (ætli kostnaðarmunurinn á ÍBV og Val í karlaboltanum t.d. sé ekki svona 1,2 - 1,5 milljónir á viku), menn geta ekki verið að fá frí frá vinnu yfir sumarið til að fara út í Eyjar og svona mætti áfram telja.

Auðvitað væri best ef að menn gætu altaf að svona 70-80% spilað á leikmönnum sem eru þannig séð heimamenn og að mestu leyti uppaldir alla sína hunds og kattartíð í sama liðinu - en því miður er það ekki raunveruleikinn. - Liðin á landsbyggðinni hafa farið verr út úr þessari þróun sem verið hefur að eiga sér stað, það lið sem best virðist halda haus um þessar mundir er ÍA og er það ánægjulegt - en þarna er ég að tala um fótboltann en ég sé eins og allir aðrir að þróunin í körfunni er slæm, það er nú t.d. ekki mikið um heimamenn hjá mínum mönnum í úrvalsdeildinni úr Stykkishólmi, en væri menn með ef ekki hefði verið lögð ómetanleg sjálfboðavinna í að náð í þessa leikmenn?

Hefði kosið að þjálfari Þórs hefði treyst þeim leikmönnum sem að hann er að þjálfa - er viss um að þeir hefðu ekki brugðist honum og hann hefði staðið teinréttur uppi eftir mót og verið meira metinn sem þjálfari, en vona reyndar svo sannarlega að leikmenn Þórs bregðist honum ekki.

Þór fær enskan miðherja

Athugasemdir

[RagnaB (IP-tala skráð) 7.2.2008 kl. 14:12]

Ungir leikmenn eru alltaf fljótt afgreiddir útaf borðinu hjá uppeldisfélögum sínum Gísli.Endalaus leikmannakaup eru að gera útaf við lið eins og ÍBV.Það er alveg frábært að vera sífellt með þessa gömlu klisju um árangur og þess vegna þurfa lið að styrkja sig.Berja sér á brjóst og hamra á því í gegnum alla yngri flokka að við séum bestir ,hvítir eru frábærir og síðan eru menn afgreiddir útaf borðinu,fá kannski tækifæri 10-15 mmínútur í 3-4 leikjum yfir sumarið.Ég kaupi þetta ekki lengur fremur en fjöldi foreldra hér í bæ sem er að borga æfingagjöld fyrir börnin sín til og síðan er þeim ýtt til hliðar fyrir,Ugandamenn,Brasilíumenn og Guð má vita hvað.Undirbúningstímabilið er t.d. einn kapituli.Ungu strákarnir leggja hér á sig ferðir uppá land helgi eftir helgi af því að þjálfarinn þarf ÞÁ á þeim að halda vegna þess að útlendingarnir eru ekki komnir frekar en farfuglarnir.Síðan eru þeir afgreiddir út annaðhvort af því að þeir standast ekki pressuna á ögurstundum hverjar svo sem þær eru,eða hreinlega að því að það er ekki pláss fyrir þá i liðinu.Mér er orðið rassgat sama þótt að við spilum í 2 eða 3 deild svo framarlega að íþ´róttafólkið okkar fái tækifæri.Ég veit um fleiri foreldra sem hugsa þannig og eru orðnir yfir sig þreyttir á þessum eilífa frasa um árangur.

[Gísli Foster Hjartarson, 7.2.2008 kl. 15:01]

Ertu bara ekki að tala um næsta skref sem verður tekið Ragna mín - menn gíri niður þessar miklu kröfur og væntingar um að vera bestur í einu og öllu, eða meðal þeirra bestu. EN það er ljóst að hérna þarf að lyfta grettistaki í að viðhalda áhuga og metnaði  yngri leikmanna. Það eitt að gefa leikmönnum séns er ekki víst að skili árangri. Hvaða leið er þægilegust kemur svo í ljós. Við skulum vona að þetta lagist á næstu misserum. Svo er þetta nú líka spurning oft um þolinmæði leikmanna ekki verða allir fullmótaðir á einu ári og fyrstu árin fara kannski í svolítinn tröppugang og þá ríður á að þjálfari og leikmaður vinni saman að því að ná jafnvægi.

En það verður gaman að sjá hvernig þetta mun þróast á næstu árum, hvað gerist fyrir austan t.d. Fjarðarbygð rauk upp, hversu lengi geta menn keyrt þetta áfram þar, Selfoss er með vind í seglin þessa dagana en hversu lengi, en þeir eru með kjör aðstæður Selfyssingar. Hvað geta Valsmenn og fleiri t.d. haldið áfram lengi að kaupa fullt af leikmönnum?

Fer að kíkja á ykkur Ragna og ræða heimsmálin.

[Grani (IP-tala skráð) 7.2.2008 kl. 15:12]

Fannst þetta fínt og athyglisvert viðtal við Hrafn.  Finnst síðasta málsgreinin vera mikil einföldun hjá þér.  Viltu meina að Hrafn verði ekki metinn eins mikils ef hann heldur liðinu uppi með jafn marga erlenda leikmenn og jafnvel einum færri en þau lið sem Þór berst við?  Væri hann meira metinn ef hann tekur ekki aukamanninn og liðið fellur?  Sama hvaða mórölsku gildum þú heldur hérna frammi, þjálfarar eru metnir af sigrum og töpum.  Gefur augaleið að það þarf ekki mikið að fara úrskeiðis hvað varðar meiðsli og annað slíkt ef þú styrkir ekki liðið til jafns við önnur lið í byrjun móts.  Þú hlýtur líka að gera þér grein fyrir því að Hrafn fær greidd laun fyrir að þjálfa sitt lið og sú stjórn sem sér um að safna þeim peningum hlýtur að gera einhverjar kröfur um árangur og pressar jafnvel á nýjan mann með það að leiðarljósi.  Sá þjálfari sem stendur ekki við þær væntingar á að hættu að missa starfið sitt, það er slæmt sama hversu teinréttur þú stendur eftir.

Finnst þú eiginlega setja þig á pínu háan hest.  Þú myndir sem sagt taka þá ákvörðun teinréttur að styrkja ekki liðið þitt þó starfsöryggið og annað lægi undir.  Hugsanlega ertu maður sem eingöngu tekur ákvarðanir út frá því hvort hægt sé að setja á þig gráðubogann eftir á en held að margur setji sig í þær stellingar að setja metnað sinn í starfi, starfsöryggi og fjárhagslegt öryggi fjölskylduna framar í þessu samhengi. 

 Hrafn er einfaldlega að benda á að hann vildi ekki taka þessa ákvörðun.  Fyrst hann gerði það hlýtur hann að hafa ígrundað málið vel og rækilega áður, metið ástand hópsins, leikina sem eftir eru o.sfrv. 

 Karfan er í ruglinu, 3-4 erlendir í íþrótt þar sem 5 eru inni á vellinum hverju sinni.  Þýðir ekki að grenja lengur.  Þau lið sem vilja byggja upp þau geta það.  Full mörg lið virðast sætta sig við að kaupa erlenda leikmenn hvert ár og slá slöku við unglingastarfið.

[RagnaB (IP-tala skráð) 7.2.2008 kl. 15:31]

Ef það er ekki áhugi og metnaður að fórna félagslífi með vinunum,samverustundum með fjölskyldunni,vetur sem sumar,ferðum með Herjólfi í hvaða veðri sem er,jafnvel hverja einustu helgi allan veturinn eins og sumir hafa gert. bara fyrir að fá að reyna sig með ÍBV. Margir þessara leikmanna hafa verið í landsliðsúrtaki en það virðist ekki vera sama hverjir það eru sem þjálfa þau landslið án þess að nefna einhver nöfn.Sumir eru einfaldlega inn en ekki aðrir óháð getu.Ég kannast líka við það sjálf að þessir srtrákar hafa ekki fengið vinnu af því að þeir eru í fótboltanum.Meira segja hér í okkar heimabyggð Gísli.Á meðan er verið að skeina rass....ð á útlendinunum,mublera upp hjá þeim íbúðir,redda þeim hinu og þessu en ekki okkar stráka.Og það besta við það að þeir hafa margir hverjir bara ekki getað bl...n sk t. afsakaðu orðbragðið.

[Gísli Foster Hjartarson, 7.2.2008 kl. 19:41]

Grani er sammálaþeraðþettaer mjög gott viðtal og komin tíni á ða íslensk félagslið skoði þessi mál enda er þetta svo gtt sem áhugamennska hér á landi, þó menn þykist oft á tíðum vera að reyna að ströggla við eitthvað annað en það hefur yfirleitt ekki gengið til langframa.

Ég þekki ekki nóg til þessa ágæta þjálfara hjá Þór, en hann kemur vel fyrir þarna í þessari grein og er kannski að segja það sem margir hugsa en segja ekki.  það sem ég var að reyna að koma á framfæri er að ég hefði viljað sjá Þórsara klára mótið á þessum mannskap. Vona að þeir haldi sæti sínu og mér finnst um margt virðingarvert hjá þeim að reyna að keyra þetta eins og þeir voru að gera. Er sammála þér að karfan er að miklu leyti í tómu rugli með öllum þessum útlendingum en vona að menn skoði þetta ofan í kjölinn og vona að liðin endurskoði hug sinn í þessum útlendingamálum.

Ég hef ekki efni á að setja mig á háan hest gagnvart þessum gaur, né öðrum, og ætlaði mér það alls ekki - hefði bara viljað sjá menn halda upphaflegri stefnu í leikmannamálum, en þarna eru menn að reyna að að laga sig að þeirri stefnu sinni að halda sætinu í deildinni.