Okrað í nafni Bítlanna!!!

Alveg finnst mér hlægileg verðlagning á þessum svokölluðu Meistaraverk Bítlanna tónleikum 7 – 9 þúsund fyrir miðann! Þetta er náttúrulega eitt besta grín sem að ég hef heyrt lengi. Hverslags bull verðlagning er þetta á eiginlega? Þetta eru ekki Bítlarnir sjálfir mættir til að spila – nei þetta er eftirhermuband (cover) - já tónlistarmenn að spila tónlist Bítlanna og samkvæmt þessu á að reyna að maka krókinn ærlega. Personulega finnst mér að menn eigi að skammast sín fyrir þessa verðlagningu – Það á meira að segja að taka hlé, væntanlega til þess að snúa plötunni við!!! – og á þeim tíma sem tekur að snúa plötunni við á að reyna að græða á barnum!- Sorry þið verðið að fyrirgefa mér - mér finnst þetta eins og gott grín !  Dýrustu miðar á Þursaflokkinn eru á kr. 6900, sama með Jet Black Joe  - Hvoru tveggja hljómsveitir sem eru að flytja eigið efni, ekkert eftirhermu vesen – Sálin sem ekki kallar nú allt ömmu sína í verðlagningu ætlar bara að rukka 4000 og 5000 á afmælistónleika sínaMenn tala um að dýrustu miðar á Eric Clapton – já Eric Clapton sjálfan – eigi að kosta 8900. Mér standa nú til boða miðar á REM á 25-55 pund, Radiohead 45 pund, Bon Jovi 37-50 pund – Jú það gæti verið dýrara að sjá Eagles en eftirhermurnar Einhver sagði við mig gæti keypt mér flösku af vodka, farið á ball með Geirmundi og keypt plötur með Bítlunum fyrir afganginn, þar á meðal Sgt peppers.......... - Nokkuð til í þessu! En hvað finnst fólki?

Athugasemdir

[Ragna (IP-tala skráð) 17.2.2008 kl. 15:57]

Gæti ekki verið meira sammála.Gjörsamlega óþolandi hversu dýrt allt þarf að vera hér á landi.