Hverjir fá að fjúka?

Ekki vill maður nokkrum svo illt að missa vinnuna, nema í einstaka tilfellum framkvæmdastjórunum hjá uppáhalds enska liðinu. En hvar verður skorið niður í þessum fjármálageira ? Upp við topp, eða verður liðinu á jarðhæðinni sópað út? Fjölmiðalr eru búnir að tala um fjölda uppsagnir bankanna í nokkurn tíma - verður fróðlegt að sjá hvort tölur þeirra upp á nokkur hundruð standist. - vona að svo verði ekki

Uppsagnir hafnar í bönkunum

Athugasemdir

[Stefán (IP-tala skráð) 20.2.2008 kl. 09:09]

Það er skrítið að glitnir skuli vera að segja upp starfsfólki á sama tíma og þeir eru að ráða aðra t.d. í útlánadeild ???

[Jónas (IP-tala skráð) 20.2.2008 kl. 09:21]

Stefán, hvað er skrýtið?

 Kannski hefur það fólk sem sagt er upp ekki þá þekkingu sem þeir þurfa í hinar deildirnar...?

Og þá ráða þeir hæfara fólk?? 

[Gunnar Afdal (IP-tala skráð) 20.2.2008 kl. 09:22]

Þeir sem fá að fjúka verða líklega afgreiðslufólkið í gólfinu auk þess fólk eins og verðir og fólk í mötuneyti. 

Fyrir þessa "hagræðingu" fá stjórendur bankanna ríkulega bónusa og kaupréttarsamninga og verður auk þess boðið í utanlandsferði í einkaþotum á vegum bankanna. 

Ekki nóg með það, þeir fá allir stöðuhækkanir með tilheyrandi kauphækkunum fyrir frábærlega vel unnið hagræðingarstarf þar, sem að þeir þykja hafa sýnt gífurlega stjórnvísi með þessum hagræðingum.

Það var gífurleg "hagræðing" að ráða nýjan bankastjóra til Glitnis og borga honum aðeins 300 m.kr. fyrir það eitt að segja já við starfinu.   Þessar 300 m.kr. samsvara árslaunum 100 venjulegs afgreiðslufólks í banka.  Hugsið ykkur bara hagræðinguna í þessu - Glitnir fékk einn í staðinn fyrir 100 !!!

[corvus corax, 20.2.2008 kl. 10:22]

Og svo verður þetta eins og hjá FL Group, greiddar ca. 90 milljónir í "árangurstengdar" greiðslur fyrir að stýra tapi mannkynssögunnar á Íslandi!

[Baldvin Mar Smárason, 20.2.2008 kl. 10:44]

"Glitnir fékk einn í staðinn fyrir 100"

Ég er nokkuð viss um að þessi 1 einstaklingur skapaði mun meiri verðmæti á 1 ári en þess 100 hefðu gert á 10 árum.

Og góður stjórnandi gerir það að verkum að það er hægt að ráða fleiri í vinnu og borga þeim hærri laun.

[Gunna Afdal (IP-tala skráð) 20.2.2008 kl. 11:02]

Come on Baldvin, þessi eini var ekki einn um að skapa þessi verðmædi (eða gerði hann það?? - tapaði ekki Glitnir á þeim ársfjórðungum sem þessi eini var að störfum??) 

Ég held að það væri kannski lausnin að ráða nokkra Kínverska stjórnendu í bankana.  Þeir kosta ekki nema 10% af launum venjulegra Íslenskra stjórnenda og þeir Kínversku eru jafn færir um að gera hluti eins og að;

• taka ákvarðanir,
• vinna að stefnumótunum,
• mæta í kokteilboð,
• fljúga í einkaþotum til að taka þátt í vinnufundum út um allan heim. 

Og svo tala kínverskir stjórnendur líka ensku eins og þeir íslensku.

Bankarnir gætu þannig sparað marga mia.kr.  í launakostnað með því að ráða Kínverska stjórnendur í staðinn fyrir þá Íslensku.

[Baldvin Mar Smárason, 20.2.2008 kl. 11:59]

Kæri vinur...

Ég held að þú sért á einhverjum villigötum, þegar kemur að stjórnun fyrirtækja.

Skipstjóra laus skúta siglir, hvort sem skipstjórinn er við stýrið eða ekki.

Eini munurinn er sá að hún er stefnulaus og hún mun reka á land eftir einhverja mánuði.

Forstjórar standa og falla með fyrirtækjum, þeir eru gífurlega mikilvægur hlekkur í keðjunni.

[Sigurður J Guðmundsson (IP-tala skráð) 20.2.2008 kl. 13:05]

Ég held að allar þessar stefnur sem bankarnir hafa verið að taka undanfarið séu ekki allra þessa peninga virði. Ef hver skipti kosta þá hátt í milljarð fyrir starfslokasamning og starfsupphafssamninga þá getur það varla verið þess virði. En kanski er eðlilegt að næst þegar ég sækist eftir starfi að þá heimti ég að fá... ja... hvað skal segja 10 milljónir fyrir að byrja að vinna. Það er kanski c.a. svipað hlutfall af launum mínum og bankastjóranna annars átta ég mig alls ekki á þessum upphæðum sem er verið að borga þeim. En vá hvað þeir eru heppnir að hafa valið viðskiptabraut í skólanum. Ég tapaði greinilega hellingspening á að fara ekki á hana. Jæja, verð víst bara að sætta mig við að fólk sem er ekki endilega meira menntað en ég eða almennt hæfara sé með margföld laun mín vegna þess að þau völdu annan geira en ég. Kanski að við ættum að senda þá lægst launuðu í viðskiptanám á ódýrum lánum og þá gætu þau fengið starfsupphafssamning líka og þá lagast allt það dæmi líka. Kanski fáum við bara erlend lán fyrir þau. Það eru hvort eð er 3 sinnum lægri vextir á þeim. Hlýtur allt að reddast áður en krónan lætur lífið loksins.

Skilur einhver það sem ég hef verið að segja? Ef ekki þá væri kanski hægt að ráða mig sem bankastjóra. Get þá allavega bullað eins mikið og þeir

[Gísli Foster Hjartarson, 20.2.2008 kl. 13:58]

Það er nú orðið ansi margt sem að maður skilur ekki í sambandi við þessar bankastofnanir og svei mér þá ef því fer ekki fjölgandi - þessir starfsloka samnignar eru náttúrulega margir hverjir fyrir mér eins og argasta bull. Spurning Sigurður kannski eiga bara allir að sækjast eftir því að vinna í jakkafötum og hjá fjármálastofnun - hræddur um að það yrði lítið flug á þessu drasli ef allir væru þar.