Hva...er ekki mokveiði?????

Bíðið nú við ég hitti menn rétt áðan sem sögðu að komin væri ágætisveiði, hefði allavega verið í morgunsárið - einmitt á ekki þá bara að höggva á þetta - meiru bavíanarnir.

Mikilvægi loðnunnar verður seint fullmetið á stað eins og hérna í Eyjum. Loðan er ein af þessum fisktegundum sem sér til þess að blóðrásin í Eyjum stíflast ekki og eftirköst góðrar loðnuvertíðar eru gríðarlega góð á allt samfélagið, skrokkurinn í toppformi - ég bara trúi ekki að menn ætli alveg að skrúfa fyrir veiðarnar þetta árið.

Ég er hræddur um að þá komi að því að opna bæjarkassann sem nú er feitari en hann hefur verið í manna minnum, ef að menn klippa á vertíðina verða menn að koma með krók á móti bragði og fara í framkvæmdir á vegum bæjarfélagsins af meiri krafti en þeir hugðu, gaman væri að fara að sjá eitthvað gerast í sambandi við útivistarsvæðið við sundlaugina, hef séð og heyrt af sumum mjög góðum hugmyndum varðandi það, svo er það blessað knattspyrnuhúsið væri gaman að fara að sjá næsta skref í því. Jújú svo er það Pompei verkefnið, klára lagfæringar á Barnaskólanum og ég veit ekki hvað, menn verða að fara að koma sér í skotgrafirnar í þessum málum. Félagi Elliði bæjarstjóri talaði um það í einhverju blaðinu í vikunni að atvinnuástandið væri mjög gott en svo gæti farið að það sé að breytast og þá horfa menn á menn eins og Elliða sem vinnur hjá fólkinu í bænum að hann komi og hjálpi til við að halda pumpunni gangandi.

En það er svo sem ekki eins og það sé logn framundan í Eyjum, ég heyrði þetta! víst er stundum logn í Eyjum. Ef að mig misminnir ekki þá á bærinn líka kaupstaðarafmæli á þessu ári - það verður stór goslokahátíð og svo mun íþróttahreyfingin að sjálfsögðu vera með sína mikilvægu viðburði í bæjarlífinu í sumar, það er þá þegar að reynir á sjálfboðaliðana og hinn sanna Eyjaanda, nóg framundan en góð loðnuvertíð myndi hjálpa til að brúa bilið þangað til.  - Lifi Eyjar - jafnvel frjálsar Eyjar

Tekjutap upp á 7-8 milljarða verði loðnuveiðum hætt

Athugasemdir

[Kristvin Guðmundsson, 20.2.2008 kl. 17:11]

Heyr heyr, Þeir munu aldrei geta lokað á þetta.
Það eru ekki bara eyjamenn sem mundum fá högg við þetta heldur er það allt batterýið. Nú held ég að það sé bara málið að Hafró fari að spíta í lófana og horfast í augu við það að það sé nóg að fiski í sjónum.

[Gísli Foster Hjartarson, 20.2.2008 kl. 20:07]

Svona bann hefur viðtæk og slæm áhrif - ég treysti mér ekki til að dæma um hvað gerist í öðrum byggðum en hérna hjá okkur í Eyjum, þó svo að áhrifin séu örugglega svipuð. Þettaer slæmt