Hvor er fíflið Bennett eða Mascherano?

Fosterinn - var, er og mun verða - Hausmynd

23.3.2008 | 15:40

Hvor er fíflið Bennett eða Mascherano?

Alveg finnst mér með ólíkindum að sitja og hlusta á þessa sjálfskipuðu spekinga sem eru að reyna að telja sér trú um að Bennett hafi gert mistök með því að reka Mascherano af velli - finnst það með ólikindum maðurinn lét alveg eins og fífl sítuðandi útaf öllu og engu og hann á að vita það sem fullorðinn karlmaður á fullum launum við að spila fótbolta að afleiðingin af þessu er bara ein - brottrekstur - sekt upp á 2ja vikna laun vel við hæfi hér, mætti halda að Mascherano væri nýgræðingur í bransanum og gerði sér ekki grein fyrir mikilvægi þessa leiks. Vona að Willum endi í þessu með leikmann hjá sér í sumar og reyni að verja framkomu leikmannsins, gagnvart dómara, meðspilurum og stuðningsmönnum síns liðs - framkoma eins og Mascherano sýndi er óþolandi. Það er ekki hægt að halda því stöðugt fram að dómarar eigi að sýna þroska, leikmenn verða að gera það líka.

Fyllilega sanngjarn sigur United og ég stórefast um að Liverpool hefði átt séns í þessum leik þó svo að þeir hafi verið 11 allan leikinn - Spennustigið virtist vera rangt hjá þeim á meðan Unied menn voru í fluggír og fullir einbeitningu. Liverpool heldur áfram að berjast um fjórða sætið við Everton á meðan fátt virðist geta stöðvað United - kannsi að þeir fái titilinn afhenntan þegar maður verður í leikhúsi draumana þann 3. maí gegn West Ham.