Ekki þarf nú mikið....

.... til þess að fólk missi sig yfir svona hlutum. Auðvitað er blaðið að senda skilaboð með forsíðunni en hvort það eru nákvæmlega þau skilaboð sem fólk svo les út úr myndinni er allt annað. Held að það sé nú í lagi að birta svona myndir eins og margar aðrar sem valda fjaðrafoki - bara gaman að fólk skuli missa sig svona í að velta sér upp úr svona hlutum. - Kallaður til ímyndarsérfræðingur, sem kannski má líka kalla ímyndunarsérfræðingur af því að hann ímyndar sér hvernig fólk bregst við.  Hvernig ætli þessi ímyndarsérfræðingur bregðist við þegar hann flettir bara venjulegum fjölskyldualbúmum?  Ætli hann sjái þarna allt mögulegt og ómögulegt og finni ýmislegt hinum og þessum til foráttu með þessum eða hinum myndunum jafnvel úr barnaafmælum.

Hélt að það þyrfti ekki að kalla til svona fólk til að segja okkur að tímarit eins og Vogue eru að senda skilaboð út í umhverfið með hverri einustu forsíðu, því sterkari viðbrögð því meiri sala, meiri sala meiri....... og svo framvegis.

Forsíða Vogue sögð ýta undir staðalímyndir

Athugasemdir

[Linda (IP-tala skráð) 29.3.2008 kl. 07:31]

Mér finnst þetta nokkuð áhugavert. Þetta er í fyrsta skipti sem svartur maður er á forsíðunni og allt verður brjálað. En mánaðarlega kemur þetta tímarit út með photoshoppuðum glansmyndum af barnungum stúlkum sem eru svo veikar í holdum að varla geti það talist hollt né eðlilegt, og enginn verður brjálaður. Á meðan gleypa unglingsstúlkur hugmyndirnar að þær eigi að líta svona eða svona út og sjálfsímynd stúlkna koðnar niður í ekkert nema maskara, meikdollur og lítil föt.

Blaðið ER um staðalímyndir og hefur alltaf ýtt undir þær. Þetta er því ekkert nýtt.