Eagles "cover" í Eyjum

Heiðurstónleikar verða haldnir í HÖLLINNI 30 APRÍL n.k. Tónleikar þessir eru til heiðurs hinni geysivinsælu hljómsveit Eagles, sem nýverið sendi frá sér fyrstu hljóðversplötu sína í 28 ár: Long road out of Eden.

Eagles, sem stofnuð var árið 1972 hefur sent frá sér urmul vinsælla laga í gegnum tíðina og má þar nefna til dæmis; Hotel California, Tequila Sunrise, Life In The Fastlane, Take It Easy, Desperado, Peaseful Easy Feeling og mörg fleiri. Nýjasta lag þeirra Fabulous hefur fengið fádæma viðtökur á síðustu vikum. Eagles eiga marga aðdáendur hér á landi og nú hafa nokkrir þeirra tekið sig til undir forystu Eyjólfs Kristjánssonar tónlistarmanns og ákveðið svokallaða Tribute tónleika eða heiðurstónleika í HÖLLINNI 30 APRÍL n.k.

Tónleikarnir hefjast kl.20.30.. Engu verður til sparað í uppsetningu tónleikanna og er valinn maður í hverju rúmi, þannig að tónlist Eagles megi njóta sín sem best á hinu frábæra sviði Hallarinnar.Söngvarar verða þeir, Friðrik Ómar, Sigurjón Brink, Davíð Smári, Björgvin Halldórsson og Eyjólfur Kristjánsson. Meðal hljóðfæraleikara verða þeir Jóhann Hjörleifsson á trommur, Friðrik Sturluson á bassa, Þórir Úlfarsson og Daði Birgisson á hljómborð, Börkur Hrafn Birgisson, Þráinn Baldvinsson og Sigurgeir Sigmundsson á gítara ásamt bakraddasveit og slagverksleikurum. Flutt verða mörg af vinsælustu lögum Eagles á tónleikunum og má búast við mikilli stemmningu í salnum. Alls er þetta orðin 14 manna hópur söngvara og tónlistarmanna sem munu heiðra okkur með næveru sinni..Forsala miða mun hefjast miðvikudaginn 16 apríl í Skóbúð Axel Ó kl 13:00 Tónleikarnir hefjast kl 20:30  Miðaverð 2900 kr.

ath. ekki má þýða orðið Cover í fyrirsögn sem ábreiða