Hvað gerir Wenger?

Lendir ekki Wenger í tómu tjóni ef að hann selur Adebayor? Sérstaklega núna þegar að Peter Crouch hefur ákveðið að ganga til liðs við Portsmouth? - he he he -  Hver ætli verði þá turninn í herbúðum Wengers? 

Verð að segja með fullri virðingu fyrir Adebayor að mér finnst verðmiðinn alltof hár.

Eftir að hafa fylgst með Wener öll þessi ár er ég nú með á hreinu að hann er búinn að hugsa næstu 3-4 hreyfingar á leikmannamarkaðnum ef að hann losar sig við hávaxna Tógómanninn. Það verður gaman að sjá hvað gerist á næstu dögum.

Skipta Arsenal og Barcelona á framherjum?

Athugasemdir

[Bragi, 13.7.2008 kl. 16:23]

Jájá, verðmiðinn alltof hár, en það er bara til að reyna að þrýsta kauptilboðum meira upp.

Það er bara ekki möguleiki að þessi maður eigi að vera metinn á svona mikið. Síðasta tímabil var hans fyrsta þar sem hann nær að skora yfir 15 mörk á tímabili í öllum keppnum. Einnig er hann ekki duglegasti maðurinn í bransanum við að gefa stoðsendingar.

Þannig að það er það eina sem ég les út úr þessu hjá Arsenal; krefjast svona mikilla peninga til að fá há kauptilboð. Þeir vissu alveg frá byrjun þegar þeir létu þennan verðmiða á leikmanninn að hann væri ekki þess virði, það þarf enginn að segja mér annað. Gæti vel trúað að hugsunarhátturinn hafi verið eitthvað á þessa leið: "Heimtum 36 milljónir punda fyrir hann, þá fáum við ef til vill 28 milljóna punda tilboð í hann og seljum. Ef við myndum meta hann á 30 milljónir punda, þá myndu félög ef til vill bara bjóða 25 milljónir punda í hann."

En þessi strategía kom svolítið í bakið á þeim. Þeir létu verðmiðann svooo hááátt uppi að það hreinlega hræddi lið í burtu, og í staðinn fyrir að fá nokkuð há kauptilboð þá fóru lið að draga sig í hlé í staðinn. Svipað er að gerast hjá Rússanum Arshavin núna, en ég held að á endanum þá lækki félagslið hans verðmiðann á honum og að hann fari fyrir svona 16 milljónir punda.

Persónulega myndi ég halda að Adebayor væri 20 milljóna punda virði, ég færi kannski upp í 25milljón punda, en alls ekki meira. Eitt gott tímabil réttlætir ekki hærra verð, þó ungur sé að árum. Hann þarf að sýna svona markaskorun 2-3 tímabil í röð áður en 30 milljóna punda markið næst.