Myndin var ekki góð

klárlega ekki og hrein og bein hörmung miðað vðilestur bókarinnar, reyndar eru allar bækurnar þrjár góðar, þó svo að maður þurfi á stundum að vera með ímyndunaraflið á útopnu, en það er nú reyndar bara gaman.  Maður er í þessum bókum dreginn  um víðan völl úr einum heiminum í annan og ævintýrið er magnað og maður veltir því fyrir sér á köflum hvernig hafi verið umhorfs í kollinum á Pullmann þegar hann var að skrifa bækurnar - klárlega allt á útopnu   - Það er eins og mig minni að páfagarður hafi fordæmt bækurnar, og svo var pirringur í þessu liði við útkomu myndarinnar. Myndin reyndar skartar Daniel 007 Craig, ungstirninu Dakota Blue Richards, og hinni fallegu Nicole Kidmann.

Ég leyfi mér hér að mæla eindregið með lestri þessara bóka - það er tíma vel farið - en ég ætla alls ekki að mæla með myndinni því hún er engan veginn nógu góð og kastar bara rýrð á söguna - lesið bækurnar  er mín ráðlegging.

 

Óvíst með framhald á trílógíu Pullmans

Athugasemdir

[Jóhann (IP-tala skráð) 20.7.2008 kl. 09:00]

Ég var illa svikinn af þessari mynd því hún var léleg á svo mörgum sviðum.  Ég leyfi mér því að efast um að ástæðan fyrir slæmu gengi séu "Hörð mótmæli kristinna trúarhópa" eins og segir í fréttinni.  Fréttir á mbl.is eru reyndar líka orðnar frekar lélegar. Þær eru illa þýddar, illa stafsettar, fara rangt með staðreyndir o.s.frv.

Nag nag.

[Billi bilaði, 20.7.2008 kl. 10:37]

Og myndin endaði ekki á sama stað og bókin.

[Hrannar Baldursson, 20.7.2008 kl. 11:50]

Já, myndiin var ekki góð, og því er bara gott mál að ekki verði gert framhald. Vonandi reynir einhver annar og betri leikstjóri við verkefnið eftir 10 ár eða svo, rétt eins og Ralph Baskhi reyndi að gera Hringadróttinssögu, en tókst ekki að klára hana.

Málið er að leikstjóri fyrstu myndarinnar Chris Weitz hefur ekki þessa myndrænu fantasíureynslu sem kemur úr gerð tilraunakvikmyndunar eins og Peter Jackson, Sam Raimi og Guillermo del Toro hafa verið þekktir fyrir.

Myndin tók heldur ekki hugmyndafræði bókarinnar alvarlega, og það eitt er nógu góð ástæða til að gera ekki fleiri myndir.

[Gísli Foster Hjartarson, 20.7.2008 kl. 16:54]

Já þessi mynd er eiginlgea bara vandræðagripur - illa farið með frábært efni og eins og þú segir Hrannar það vantaðir þessa myndrænu ævintýrafantasíu sem er svo mikilvæg við gerð myndar af þessari gerð