Athyglisverð hreyfing

Það held ég að flestir geti verið sammála um að það yrði fengur í því fyrir West Ham að fá Clarke til starfa, maður hokinn af reynslu og hefur greinilega trú á Zola og vill taka þátt í þessu með honum, ef að þetta er rétt. Að sama skapi er þetta áhugavert skref því það er ekki eins og Chelsea sé eitthvað smálið sem menn vilja losna frá við fyrsta tækifæri. En þarna gætu verið að gerast spennandi hlutir og ég vona bara að þetta sé rétt og það gangi eftir því ég held að West Ham veiti ekkert af manni með slíka reynslu til að standa í slagnum með Zola.

Svo er nú líka málið hvað verður um aðalstyrktaraðila mál West Ham þar sem XL er farið á hausinn, en reyndar eru þeir Björgólfsfeðgar með fingurna í málinu svo kannski verður fyrirtæki með þessu nafni keyrt áfram og búningarnir breytast ekki en svo er það hitt að kannski fá West Ham menn bara nýjan aðalsponsor!!!! Landsbankinn kannski?

Steve Clarke á leiðinni til West Ham?