Áfram West Ham

Menn hljóta að reyna að fá þessa tölu lækkaða. Las reyndar einhversstðar að þess dómur væri endanlegur þannig að maður veit ekki hvernig það mun ganga en mér finnst þetta mál náttúrulega með ólíkindum og spurnignin er líka sú hvernig þeim tókst að gera þetta svona "ólöglega" þeim West Ham mönnum, hlýtur ekki einhver ábyrgð að liggja enska sambandinu fyrir að gefa leikheimild á kappann - þeir hljóta að eiga að tryggja að að öllum málum sé eðlilega staðið þegar sótt er um leikheimildina.

West Ham gagnrýnt fyrir áfrýjunina

Athugasemdir

[Rúnar Geir (IP-tala skráð) 25.9.2008 kl. 11:28]

Ég var einmitt að spá í það sama. Ef hann var ólöglegur, hvernig gat Tevez þá spilað 30 leiki á tímabilinu án þess að tekið væri á því? Því það var ljóst frá byrjun hvernig eignarhaldið var á honum og Macherano.

Þetta minnir mig fullmikið á KSÍ

[Gísli Foster Hjartarson, 25.9.2008 kl. 11:54]

Já þetta hljómar skringilega - Segi nú ekki að þetta minni mig fullmikið á KSÍ því mín reyndal varðandi að fá í gegn félagsskipti þar er sú að fólkið þar er með hvert skref á hreinu og ef upp hafa komið ágrenningsmál hafa þau verið leyst 1, 2 og 3.

[Rúnar geir (IP-tala skráð) 25.9.2008 kl. 13:13]

Já, kannski full djúpt í árinni tekið.

 En ég minnist þess að fyrir mörgum árum var ólöglegur leikmaður í sigurliði einu í bikarkeppninni. Mótherjarnir komust að þessu eftir að kærufrestur hafði runnið út og að KSÍ hafi vitað allan tímann að leikmaðurinn væri ólöglegur. Svar KSÍ til tapliðsins var að það væri ekki á verksviði KSÍ að láta þá vita.

[Runar Geir (IP-tala skráð) 25.9.2008 kl. 13:16]

Svo maður tali nú ekki um klúðrinu þegar fjölga þurfti í kvennadeildinni og gleymdist að setja D.Siim í bann.

[Kristján Magnús Arason, 25.9.2008 kl. 13:22]

Í fyrsta lagi þá er fréttin röng, því ekki er búið að ákveða hvað West Ham á að borga mikið til Sheffield U.  Það er ekki búist við niðurstöðu í því fyrr en í janúar, eða svo.  Þessi tala er það sem Sheffield U. var að vonast eftir og sumir fjölmiðlar hafa bara gripið þessa tölu og sagt að búið væri að úrskurða West Ham til að greiða þessar bætur.  Gerðardómurinn gæti dæmt West Ham til að greiða eina krónu í bætur ef þeir teldu það rétta upphæð.

Í öðru lagi þá var Carlos Tevez (né heldur Mascherano) aldrei ólöglegur með West Ham.  Úrvalsdeildin staðfesti það hvað eftir annað en æsifréttablöð litu fram hjá því.

Í þriðja lagi þá er úrvalsdeildin aðskilin frá knattspyrnusambandinu.  Því er ekki við knattspyrnusambandið að sakast ef eitthvað var samþykkt sem hefði ekki átt að samþykkja.  Á hinn bóginn hefur knattspyrnusambandið heldur ekki vald til að segja til um hvort Tevez (og Mascherano) hafi verið löglegir með West Ham eða ekki.  Ef breyta þarf fyrri úrskurði, þá getur það aðeins komið frá úrvalsdeildinni, og þá væntanlega vegna þess að ný gögn hafi komið í ljós.

Í fjórða lagi þá er heldur ekki við West Ham að sakast ef úrvalsdeildin hefur samþykkt félagaskipti sem ekki hefði átt að samþykkja.  Því er þessi dómur algjör bilun fyrir keppnisíþróttir þar sem miklir peningar eru í húfi.  Verður það vaninn á Englandi að leikjaniðurröðun verður birt með fyrirvara um niðurstöður dómstóla og gerðardóma?  Nú eru leikmenn Sheffield U. (sem léku í úrvalsdeildinni) að ræða þann möguleika að fara í mál við West Ham vegna tekjumissis við að falla um deild!  Hvar endar þetta?

Í fimmta lagi þá er dómurinn byggður á því að West Ham hefði fengið a.m.k. þremur stigum minna ef Carlos Tevez hefði ekki leikið með félaginu.  Svona röksemdafærsla er svo gjörsamlega glórulaus að það nær ekki nokkurri átt!  Við segjum jú oft svona lagað að einn leikmaður hafi ákveðið mikilvægi fyrir lið sitt.  En það eru í raun aðeins vangaveltur og kemst ekki nálægt því að geta talist staðreyndir til að notast við til að dæma aðila til greiðslu milljarða króna í bætur.

Ég vil bara setja einn fyrirvara á það sem ég hef sagt hér:  Ef sýnt verður fram á að West Ham hafi fengið áframhaldandi keppnisleyfi fyrir Carlos Tevez á fölskum forsendum, þá á að refsa félaginu.  Þetta hefur hins vegar ekki verið sýnt fram á enn sem komið er.

[Gísli Foster Hjartarson, 25.9.2008 kl. 18:43]

Rúnar Geir ég man eftir þessumævintýrum sem að þú nefnir, en ekkert af þeim kom mínum samskiptum við svo ég get ekki klagað en þessi dæmi eru slæm það er alveg rétt.

Kristján Magnús Já vissi að ekki er búið að ákveða upphæðina en það er með þetta mál eins og þú segir réttilega hvenær má eiga von á endanlegum staðfestum úrslitum ef þessi hringlandaháttur mun ráða ferðinni. Hver veit: kannski að West Ham hefði unnið leikina með meiri sannfæringu ef að Tevez hefði ekki spilað !!!!!!!! það er aldrei hægt að segja um fyrirfram hvað gerist þó svo að menn telji eitthvað líklegt dæmi mínir menn í Brighton slógu Man. City út úr deildarbikarnum í gær. Auðvitað á að refsa félögum þegar sannast að þau hafi haft rangt við og þá á að refsa þeim þungt.

Ég hlakka til að sjá útkomuna úr þessu og auðvitað sýnir maður þessu meiri áhuga af því að liðið tengist landinu okkar kæra.

[Kristján Magnús Arason, 25.9.2008 kl. 20:01]

Gísli, til hamingju með sigurinn í gær.  Það er alltaf gaman að sjá litlu liðin slá út stóru liðin (nema þegar það er manns eigið!).

Þú hefur líklega ekki getað giskað á það að ég er gallharður West Ham-maður. 

Mér finnst súrast í þessu hvað fjölmiðlar (aðallega á Englandi, en það berst síðan til Íslands) éta upp rangfærslur komnar frá Sheffield-mönnum og birta þær alveg án þess að kanna staðreyndirnar.  Þannig snúa þeir almenningsálitinu gegn West Ham.

Það er kannski ekkert ólíklegt að það sé eitthvað meira óhreint mjöl í pokahorninu hjá félaginu, en það er ekki hægt að dæma á þeim forsendum.  Það þarf sannanir.

En nú á að refsa West Ham fyrir eitthvað sem úrvalsdeildin hefur ef til vill gert rangt.